റോഡിന്റെ ഭിത്തി ഇടിഞ്ഞുവീണ് വീട് അപകടാവസ്ഥയിൽ; ഭീതിയിൽ കുടുംബം

രാജപുരം ∙ കനത്ത മഴയിൽ നായ്ക്കയത്ത് ഒടയംചാൽ-ഭീമനടി പൊതുമരാമത്ത് റോഡിന്റെ പാർശ്വഭാഗം ഇടിഞ്ഞുവീണ് വീട് അപകടാവസ്ഥയിൽ. നായ്ക്കയത്തെ എൻ.

രവീന്ദ്രന്റെ വീടാണ് നിലം പതിക്കാവുന്ന സ്ഥിതിയിലുള്ളത്. റോഡ് നിർമാണ സമയത്ത് വീടിനോട് ചേർന്നു മണ്ണെടുത്തതാണ് നിലവിൽ അപകട

സ്ഥിതിയിലാകാൻ കാരണമായി പറയുന്നത്.വീടിനു സമീപംവരെ മണ്ണെടുത്താൽ സംഭവിക്കുന്ന അപകടം റോഡ് നിർമാണ സമയത്ത് നാട്ടുകാർ ചൂണ്ടിക്കാട്ടിയിരുന്നെങ്കിലും കരാറുകാരൻ മണ്ണെടുക്കുകയായിരുന്നെന്ന് വീട്ടുടമ രവീന്ദ്രൻ പറയുന്നു.
പിന്നീട് സംരക്ഷണഭിത്തി കെട്ടിത്തരാമെന്നു കരാറുകാരൻ അറിയിച്ചിരുന്നതായും വീട്ടുകാർ പറയുന്നു. ഇതിനുശേഷം യാതൊരു നടപടികളും സ്വീകരിച്ചില്ലെന്ന് കാൻസർരോഗി കൂടിയായ രവീന്ദ്രൻ പറഞ്ഞു. പാർശ്വഭിത്തി കെട്ടി വീട് സംരക്ഷിക്കാൻ പൊതുമരാമത്ത് അധികൃതർ അടിയന്തര നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.

…