കാഞ്ഞങ്ങാട് ∙ മത്സ്യബന്ധനത്തിന് പോയ തോണി പുറംകടലിൽ തിരയിൽപെട്ടു മറിഞ്ഞ് 3 പേർക്ക് പരുക്ക്. അജാനൂർ കടപ്പുറത്തെ രാമകൃഷ്ണൻ (60), ജനീഷ് (24), ബാബു (44) എന്നിവർക്കാണ് പരുക്കേറ്റത്. ഇന്നലെ പുലർച്ചെ 5നാണ് അപകടം.
പള്ളിക്കരയിൽനിന്നു 8 കിലോമീറ്റർ അകലെ പുറംകടലിലാണ് തോണി അപകടത്തിൽ പെട്ടത്. തിരയിൽപെട്ട് തോണി തലകീഴായി മറിയുകയായിരുന്നു.
മറിഞ്ഞ തോണിയിൽ മണിക്കൂറുകളോളം പിടിച്ചുനിന്നാണ് മൂന്നു പേരും രക്ഷപ്പെട്ടത്. അപകടത്തിൽപെട്ട വിവരം ആരും അറിഞ്ഞിരുന്നില്ല.
രാവിലെ 8നാണ് മറ്റൊരു തോണിക്കാർ അപകടത്തിൽപെട്ട തോണി കണ്ടത്. ഉടൻ വിവരം കരയിലുള്ളവരെ അറിയിക്കുകയായിരുന്നു.
രക്ഷാപ്രവർത്തനത്തിനായി അജാനൂരിൽനിന്നു തോണിയിൽ മത്സ്യത്തൊഴിലാളികൾ കടലിലേക്കു പോയി.
അപകടത്തിൽപെട്ട മൂന്നു പേരെയും രക്ഷപ്പെടുത്തി കരയിലെത്തിച്ചു.
തോണിയും കരയിലെത്തിച്ചു. തോണിയുടെ എൻജിനും വലയും നഷ്ടമായി.
ലക്ഷങ്ങളുടെ നഷ്ടം കണക്കാക്കുന്നു. കരയിൽ എത്തിച്ച മത്സ്യത്തൊഴിലാളികളെ അഗ്നിരക്ഷാ സേനയുടെ ആംബുലൻസിൽ ജില്ലാ ആശുപത്രിയിലേക്ക് മാറ്റി.
ഫയർ ആൻഡ് റെസ്ക്യു ഓഫിസർ ഡ്രൈവർ ഷാജഹാൻ, ഫയർ ആൻഡ് റെസ്ക്യു ഓഫിസർ സുധീഷ്, ഹോം ഗാർഡുമാരായ നാരായണൻ, സന്തോഷ് എന്നിവർ ചേർന്നാണ് ആംബുലൻസിൽ പരുക്കേറ്റവരെ ജില്ലാ ആശുപത്രിയിൽ എത്തിച്ചത്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
