കാഞ്ഞങ്ങാട് ∙ നിയന്ത്രണം വിട്ട കാർ നിർത്തിയിട്ട
വാഹനങ്ങളിൽ ഇടിച്ചു. ഇടിയുടെ ആഘാതത്തിൽ മുന്നോട്ടുനീങ്ങി ട്രാൻസ്ഫോമറിൽ ഇടിച്ച ഡ്രൈവിങ് സ്കൂൾ കാറിന് തീപിടിച്ചു.
അഗ്നിരക്ഷാ സേന സ്ഥലത്തെത്തി തീയണച്ചു. ഇന്നലെ രാവിലെ 7.50ന് കാഞ്ഞങ്ങാട് ടിബി റോഡിൽ എസ്ബിഐ ബാങ്കിന് മുൻപിലാണ് സംഭവം.
മംഗളൂരു വിമാനത്താവളത്തിൽ പോയി മടങ്ങി വരികയായിരുന്ന കാറാണ് നിയന്ത്രണം വിട്ടു നിർത്തിയിട്ട
കാറുകളിൽ ഇടിച്ചത്. ആദ്യത്തെ കാറിലിടിച്ച ശേഷമാണ് ഡ്രൈവിങ് സ്കൂളിന്റെ കാറിൽ തട്ടിയത്.
ഇടിയുടെ ആഘാതത്തിൽ മുന്നോട്ടുനീങ്ങിയ കാർ ട്രാൻസ്ഫോമറിൽ ഇടിക്കുകയായിരുന്നു.ട്രാൻസ്ഫോമറിൽ നിന്നാണ് കാറിലേക്ക് തീ പടർന്നത്.
നാട്ടുകാ‍ർ അഗ്നിരക്ഷാ സേനയെ വിവരമറിയിക്കുകയായിരുന്നു. അസിസ്റ്റന്റ് സ്റ്റേഷൻ ഓഫിസർ ദിലീഷ്, സീനിയർ ആൻഡ് റെസ്ക്യൂ ഓഫിസർ ഗണേശൻ കിണറ്റിൻകര, ഫയർ ആൻഡ് റെസ്ക്യൂ ഓഫിസർ ഡ്രൈവർ പ്രേം കുമാർ, ഫയർ ആൻഡ് റെസ്ക്യൂ ഓഫിസറായ അജിത്ത്, അതുൽ, വിഷ്ണു എന്നിവരുടെ നേതൃത്വത്തിലാണ് തീയണച്ചത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
