മംഗളൂരു ∙ മംഗളൂരു–കാസർകോട് റൂട്ടിൽ യാത്ര കൂടുതൽ എളുപ്പമാക്കി കർണാടക ആർടിസിയുടെ രാജഹംസ സർവീസ് ആരംഭിച്ചു. ദിവസവും 6 സർവീസുമായി രണ്ട് രാജഹംസ ബസുകളാണ് സർവീസ് ആരംഭിച്ചത്. മംഗളൂരുവിൽനിന്ന് രാവിലെ 6.30, 7.30, 10.30, 11.30 ഉച്ചയ്ക്കുശേഷം 3.00, 3.30, കാസർകോടുനിന്ന് രാവിലെ 8.30, 9.30, ഉച്ചയ്ക്കുശേഷം 1.00, 1.30, 5.00, 5.30 എന്നിങ്ങനെയാണ് സമയക്രമം.
കാസർകോട്–മംഗളൂരു യാത്രയ്ക്ക് സാധാരണ ബസുകൾ 1 മണിക്കൂർ 35 മിനിറ്റ് എടുക്കുമ്പോൾ രാജഹംസ ബസുകൾ 1 മണിക്കൂർ 15 മിനിറ്റുകൊണ്ട് എത്തും.
പുഷ് ബാക്ക് സീറ്റ്, സീറ്റ് പോക്കറ്റ്, ബോട്ടിൽ ഹോൾഡർ, തുടങ്ങിയ സൗകര്യങ്ങളുമുണ്ട്.മംഗളൂരു–കാസർകോട് 100 രൂപ, മംഗളൂരു–കുമ്പള 80 രൂപ, കുമ്പള–കാസർകോട് 30 രൂപ എന്നിങ്ങനെയാണ് നിരക്ക്. കുമ്പള, ബന്ധിയോട്, നയാ ബസാർ, കൈകമ്പ, ഉപ്പള, ഹൊസംഗഡി, മഞ്ചേശ്വരം, തലപ്പാടി, ബീരി എന്നിവിടങ്ങളിലാണ് സ്റ്റോപ്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
