അന്താരാഷ്ട്ര ബോക്‌സ് ഓഫീസിലും തരംഗമായി ലോകേഷ് കനകരാജ്- വിജയ് ചിത്രം ‘ലിയോ’. മാര്‍ട്ടിന്‍ സ്‌കോഴ്‌സസെ-ഡി കാപ്രിയോ ചിത്രം’ കില്ലേഴ്‌സ് ഓഫ് ദ ഫ്‌ളവര്‍മൂണ്‍’ എന്ന ഹോളിവുഡ് ചിത്രത്തെ പിന്നിലാക്ക ഗ്ലോബല്‍ ബോക്‌സ്ഓഫിസില്‍ ഒന്നാമതെത്തിയിരിക്കുകയാണ് ‘ലിയോ’. ലോസ് ആഞ്ജലീസ് ആസ്ഥാനമായുള്ള വെറൈറ്റിയുടെ റിപ്പോര്‍ട്ട് പ്രകാരം. നാല് ദിവസം കൊണ്ട് ആഗോള ബോക്‌സ്ഓഫീസില്‍നിന്ന് ‘ലിയോ’ നേടിയത് 48.5 മില്യന്‍ യു.എസ്. ഡോളറാണ്. ‘കില്ലേഴ്‌സ് ഓഫ് ദ് ഫ്‌ലവര്‍ മൂണ്‍’ നേടിയത് 44 മില്യന്‍ യു.എസ്. ഡോളറോളം വരും.
ഒക്ടോബര്‍ 19-ന് റിലീസ് ചെയ്ത ‘ലിയോ’ 400 കോടിയും കവിഞ്ഞ് കുതിപ്പ് തുടരുകയാണ്. ഇന്ത്യയില്‍നിന്ന് മാത്രം 200 കോടിയാണ് നേടിയത്. ഇന്ത്യന്‍ ബോക്‌സ് ഓഫീസ് ട്രാക്കര്‍ സാക്നികിന്റെ കണക്കുകള്‍ പ്രകാരം ആദ്യദിനം 68 കോടിയാണ് ഇന്ത്യയില്‍നിന്ന് നേടിയത്. അതില്‍ തമിഴ്നാട്ടില്‍നിന്ന് 32 കോടിയോളവും കേരളത്തില്‍നിന്ന് 12 കോടിയോളവും വരും. കര്‍ണാടകയിലും തെലുങ്കാനയിലും ആന്ധ്രയിലും മികച്ച വരുമാനം നേടി. വിദേശ രാജ്യങ്ങളില്‍നിന്ന് 70 കോടിയിലേറെ വരുമാനം നേടി.
റിലീസിന് ഏതാനും ദിവസങ്ങള്‍ക്ക് മുന്‍പെ ‘ലിയോ’യുടെ ഓണ്‍ലൈന്‍ ബുക്കിങ് ആരംഭിച്ചിരുന്നു. ചൂടപ്പം പോലെയാണ് ടിക്കറ്റുകള്‍ ഓണ്‍ലൈനിലൂടെ വിറ്റുപോയത്. ബുക്കിങ് സൈറ്റുകള്‍ ഹാങ് ആവുന്ന അവസ്ഥയുമുണ്ടായി. ഞായറാഴ്ച മാത്രം ഓണ്‍ലൈനിലൂടെ വിറ്റത് ഏകദേശം മൂന്നര ലക്ഷത്തോളം ടിക്കറ്റുകളാണ്. എണ്‍പതിനായിരം ടിക്കറ്റുകളാണ് ആദ്യ ഒരു മണിക്കൂറില്‍ വിറ്റുപോയത്. പ്രീ ബുക്കിങ്ങ് വരുമാനം നൂറ് കോടിയിലേറെ കവിഞ്ഞിരുന്നു.
‘മാസ്റ്ററി’ന് ശേഷം വിജയും ലോകേഷ് കനകരാജും ഒന്നിക്കുന്ന ചിത്രമാണ് ‘ലിയോ’. തൃഷ, സഞ്ജയ് ദത്ത്, അര്‍ജുന്‍ സര്‍ജ, ഗൗതം മേനോന്‍, മിഷ്‌കിന്‍, മാത്യു തോമസ്, മന്‍സൂര്‍ അലി ഖാന്‍, പ്രിയ ആനന്ദ്, സാന്‍ഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തില്‍ അണിനിരക്കുന്നത്.ചിത്രത്തിനായി അനിരുദ്ധ് സംഗീതം ഒരുക്കുന്നു.
സെവന്‍ സ്‌ക്രീന്‍ സ്റ്റുഡിയോ, ദി റൂട്ട് എന്നിവയുടെ ബാനറുകളില്‍ ലളിത് കുമാറും ജഗദീഷ് പളനിസാമിയും ചേര്‍ന്നാണ് ‘ലിയോ’ നിര്‍മിക്കുന്നത്. ശ്രീ ഗോകുലം മൂവിസിന് വേണ്ടി ഗോകുലം ഗോപാലന്‍ ആണ് കേരളത്തിലെ വിതരണാവകാശം സ്വന്തമാക്കിയത്. ഡ്രീം ബിഗ് ഫിലിംസാണ് കേരളത്തിലെ ഡിസ്ട്രിബൂഷന്‍ പാര്‍ട്ണര്‍. ഡി.ഒ.പി : മനോജ് പരമഹംസ, ആക്ഷന്‍ : അന്‍പറിവ് , എഡിറ്റിങ് : ഫിലോമിന്‍ രാജ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
