നവാഗതനായ റിജുരാജ് രചനയും സംവിധാനവും നിര്‍വ്വഹിക്കുന്ന പുതിയ ചിത്രമായ ‘ജോംഗ’യുടെ ടൈറ്റില്‍ പ്രകാശനം നടന്നു. പ്രശസ്ത നടനും സംവിധായകനുമായ മേജര്‍ രവിയുടെ ഫെയ്‌സ്ബുക്ക് പോസ്റ്റിലൂടെയാണ് പ്രകാശനം നിര്‍വ്വഹിച്ചത്. ഒരു മുന്‍ സൈനിക ഉദ്യോഗസ്ഥന്റെ ജീവിതത്തിലൂടെയാണ് ഈ ചിത്രത്തിന്റെ അവതരണം.
മിലിട്ടറിയും പ്രണയവും ഇമോഷനും നര്‍മ്മവും ഹൊററും കോര്‍ത്തിണക്കിയുള്ള ത്രില്ലര്‍ സിനിമയാണ് ‘ജോംഗ’. മലയാളത്തിലെ പ്രമുഖ താരമാണ് ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. മലയാളത്തിനുപുറമേ ഇന്ത്യയിലെ വിവിധ ഭാഷകളിലെ താരങ്ങളും അണിനിരക്കുന്നു. കിവിസോ മൂവീസ്സിന്റെ ബാനറില്‍ വിജയ് ബന്‍സാല്‍, നസീര്‍. പി.എം. എന്നിവര്‍ നിര്‍മിക്കുന്ന ചിത്രത്തിന്റെ ചിത്രീകരണം കുളു, മണാലി, കണ്ണൂര്‍ എന്നിവിടങ്ങളിലായി പൂര്‍ത്തിയാകും.
സംഗീതം: ജെഫ്രി ജോനാഥന്‍, ഛായാഗ്രഹണം: അഭിമന്യു വിശ്വനാഥ്, എഡിറ്റിങ്: അതുല്‍ വിജയ്, കലാസംവിധാനം: ജയന്‍ ക്രയോണ്‍, മേക്കപ്പ്: ലിബിന്‍ മോഹന്‍, ഡിസൈന്‍: റോസ്‌മേരി ലില്ലു, സംഘട്ടനം: കലൈ കിംഗ്സ്റ്റണ്‍, സൗണ്ട് ഡിസൈന്‍: അരുണ്‍ വര്‍മ്മ, പ്രൊഡക്ഷന്‍ കണ്‍ട്രോളര്‍: എല്‍.ബി. ശ്യാംലാല്‍, പി.ആര്‍.ഒ: വാഴൂര്‍ ജോസ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
