ഭാര്യ കോകിലയ്ക്കും തനിക്കും തമ്മിലുള്ള പ്രായവ്യത്യാസം വെളിപ്പെടുത്തി നടന്‍ ബാല. ഉടന്‍ തന്നെ തങ്ങള്‍ക്ക് ഒരു കുട്ടിയുണ്ടാവുമെന്നും നല്ല രീതിയില്‍ സന്തോഷത്തോടെ ജീവിക്കാന്‍ തുടങ്ങുകയാണെന്നും ബാല മാധ്യമങ്ങള്‍ക്ക് നല്‍കിയ അഭിമുഖത്തില്‍ പറഞ്ഞു.
“ഞങ്ങള്‍ രണ്ടുപേരും വളരെ സന്തോഷത്തിലാണ്. നല്ല രീതിയില്‍ ജീവിക്കണം എന്നാണ് ഇനി ആഗ്രഹം. കോകിലയ്ക്ക് 24 വയസ്സാണ്. ഞാനത് തുറന്നു പറയുകയാണ്. നിങ്ങള്‍ക്കെന്തുവേണമെങ്കിലും പറയാം. പരിഹസിച്ചോളൂ, പക്ഷേ ഞാന്‍ പറയുന്നതെല്ലാം സത്യമാണ്. നല്ലവനാണെങ്കിലും ഞാനത്ര നല്ലവനല്ല. ദേഷ്യം വരുമ്പോള്‍ എന്റെ നിയന്ത്രണം നഷ്ടമാകും. പക്ഷേ അവള്‍ എനിക്കൊരു ഉപദേശം തന്നു. 99 പേര്‍ക്ക് നന്മ ചെയ്തിട്ട് ഒരാളെ തല്ലിയാല്‍ ഈ 99 പേര്‍ക്കും ചെയ്ത നന്മ എവിടെപ്പോകും. അപ്പോള്‍ എനിക്കു മനസ്സിലായി, ഇനി ഞാന്‍ നിയമപരമായി മുന്നോട്ടുപോകും”, ബാല പറഞ്ഞു.
“സന്തോഷത്തോടെ ജീവിക്കണം എന്നാണ് ആഗ്രഹം. ഇവിടെ നിന്ന് പോകാനാണ് തീരുമാനം. അടുത്തുതന്നെ ഞങ്ങള്‍ക്ക് ഒരു കുട്ടിയുണ്ടാവും. അടിപൊളിയായിട്ട് ജീവിക്കും. ഞാന്‍ രാജാവായിരിക്കും, കോകില റാണിയാവും. 2018ല്‍ കോകില എഴുതിയ ഡയറിയും കവിതയുമെല്ലാം തന്റെ പക്കലുണ്ട്. ചെറുപ്പം മുതല്‍ എന്നെ സ്‌നേഹിക്കുന്ന ആളാണ് കോകില. എന്നോടുള്ള സ്‌നേഹത്തെ കുറിച്ച് കോകില ആദ്യം എന്റെ അമ്മയോടാണ് പറഞ്ഞത്. അമ്മ വിവാഹത്തിന്റെ കാര്യം എന്നോട് പറഞ്ഞപ്പോള്‍ ചെറുപ്പം മുതലേ എടുത്തുവളര്‍ത്തിയ കുട്ടിയല്ലേ എന്നാണ് ഞാന്‍ പറഞ്ഞത്. പെട്ടന്നു വരുന്ന സ്‌നേഹം വെറെ, പഴകി പഴകി സ്‌നേഹം വരുന്നതും വേറെ. മൂന്ന് മാസം കൊണ്ടാണ് തീരുമാനമെടുത്തത്.
എനിക്കിപ്പോള്‍ 42 വയസ്സ് ആയി. അങ്ങനെ ഒരു ഇഷ്ടം കോകിലയോട് തോന്നിയിട്ടില്ലായിരുന്നു. കോകില പണ്ടേ എന്റെ കൂടെയുണ്ടായിരുന്നു. എന്നാല്‍ പൊട്ടനായ എനിക്ക് അത് മനസ്സിലായില്ല. ഞാനാണ് ഏറ്റവും വലിയ ഭാഗ്യവാന്‍. കാശും പണവും ഒക്കെ പോയി വന്നു കൊണ്ടിരിക്കും. ഞാന്‍ മരണത്തിന്റെ അരികില്‍ പോയി തിരികെ വന്നതാണ്. ഇപ്പോള്‍ സന്തോഷത്തിലാണ്. കിടക്കാന്‍ പോകുന്നതിനു മുമ്പ് ബെഡ് റൂമില്‍ കയറി എത്രപേര്‍ കരയും. ആ കരച്ചില്‍ ഇനി ഉണ്ടാകില്ല. പത്ത് വര്‍ഷം ഞാന്‍ കരഞ്ഞിട്ടുണ്ട്”. ഇനി കരയില്ലെന്ന് ബാല പറഞ്ഞു.
ബാലയില്‍ ഏറ്റവും ഇഷ്ടമുള്ള കാര്യമെന്താണെന്ന് കോകില വെളിപ്പെടുത്തി. ‘മാമ ഇതുവരെ തനിയെ ആയിരുന്നു. ഇപ്പോള്‍ ഞാനുണ്ട്. മാമ ചെറിയ പ്രായത്തിലേ എല്ലാവരെയും സഹായിക്കുമായിരുന്നു. അതാണ് എനിക്ക് ആദ്യം ഇഷ്ടം തോന്നാന്‍ കാരണം.’- കോകില പറഞ്ഞു.
ഒക്ടോബര്‍ 24നാണ് ബാലയും കോകിലയും വിവാഹിതരായത്. താരത്തിന്റെ ബന്ധു കൂടിയാണ് കോകില.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
