കേരള രാജ്യാന്തര ചലച്ചിത്രമേളയ്ക്കും ജി.എസ്.ടി; പ്രതിനിധി ഫീസില്‍ വര്‍ധനവ്

ലാറ്റിനമേരിക്കൻ സിനിമകൾ തിരഞ്ഞെടുക്കാനുള്ള ചുമതല ചലച്ചിത്രനിരൂപകനും എഴുത്തുകാരനും പ്രോഗ്രാമറുമായ ഫെർണാണ്ടോ ബർണർക്കും നൽകി. അക്കാദമി ചെയർമാൻ രഞ്ജിത്തും മുൻചെയർമാനും ചലച്ചിത്ര വികസന കോർപ്പറേഷൻ ചെയർമാനുമായ ഷാജി എൻ. കരുണും നടത്തിയ കൂടിയാലോചനകളിലാണ് തീരുമാനം.

അതേസമയം, ഹംഗേറിയൻ ചലച്ചിത്രകാരൻ ബേല താറിന് ലൈഫ് ടൈം അച്ചീവ്‌മെന്റ് അവാർഡ് നൽകാൻ ശുപാർശചെയ്തതിന്റെപേരിൽ തന്നെ പുറത്താക്കിയെന്ന പ്രചാരണത്തിനെതിരേ കഴിഞ്ഞ മേളയിൽ ആർട്ടിസ്റ്റിക് ഡയറക്ടറായിരുന്ന ദീപിക സുശീലൻ പ്രതികരണം നടത്തിയിട്ടുണ്ട്. തന്നെ പുറത്താക്കിയതല്ലെന്നും ഇറങ്ങിപ്പോന്നതാണെന്നും സാമൂഹികമാധ്യമത്തിലെ കുറിപ്പിലൂടെ ദീപിക പ്രതികരിച്ചു.

അക്കാദമി ചെയർമാനും സെക്രട്ടറിയും താനും ഉൾപ്പെട്ട കമ്മിറ്റിയുടെ തീരുമാനപ്രകാരമാണ് ബേലയെ തീരുമാനിച്ചത്. കമ്യൂണിസ്റ്റ് വിരുദ്ധനായ ബേല താറിന് പുരസ്കാരം നൽകിയെന്നായിരുന്നു വിവാദം. ബേലയ്‌ക്കെതിരേ വന്ന വിമർശനം തിരുത്താൻ അക്കാദമി ഇടപെട്ടില്ലെന്നാണ് ദീപികയുടെ കുറ്റപ്പെടുത്തൽ.