ബോക്‌സ്ഓഫീസില്‍ വിജയക്കുതിപ്പ് തുടര്‍ന്ന് വിക്കി കൗശലിന്റെ ബോളിവുഡ് ചിത്രം ‘ഛാവ’. റിലീസ് ചെയ്ത് എട്ടാം ദിനം പിന്നിടുമ്പോള്‍ ചിത്രം ആഗോളതലത്തില്‍ നേടിയ കളക്ഷന്‍ 343 കോടിയാണ്. ‘ഉറി: ദ സര്‍ജിക്കല്‍ സ്‌ട്രൈക്ക്’ എന്ന ചിത്രത്തിന്റെ ആഗോള കളക്ഷനെയും കടത്തിവെട്ടിയാണ് ബോക്‌സ് ഓഫീസില്‍ ഛാവ ജൈത്രയാത്ര തുടരുന്നത്.
റിലീസ് ചെയ്ത എട്ടാം ദിനം ഛാവ ഇന്ത്യയില്‍ നിന്ന് മാത്രമായി 24 കോടി കളക്ഷന്‍ നേടി. ചിത്രത്തിന്റെ ഇതുവരെയുള്ള ആഭ്യന്തര കളക്ഷന്‍ 249 കോടിയാണ്. അതേസമയം ഉറിയുടേത് 244 കോടി മാത്രമാണ്. ആഗോളതലത്തിലും നല്ല രീതിയിലുള്ള കളക്ഷനാണ് ഛാവയ്ക്ക് ലഭിച്ചുകൊണ്ടിരിക്കുന്നത്. ആഗോളതലത്തില്‍ 343 കോടിയാണ് ഛാവ ഇതുവരെ നേടിയത്. വിക്കി കൗശലിന്റെ കരിയറില്‍ തന്നെ ഏറ്റവും വലിയ ഹിറ്റ് ചിത്രം കൂടിയാണ് ഛാവ. റിലീസ് ചെയ്ത മൂന്നാഴ്ചയക്കുള്ളില്‍ ചിത്രം 500 കോടി കളക്ഷന്‍ നേടുമെന്നാണ് റിപ്പോര്‍ട്ടുകള്‍ നല്‍കുന്ന സൂചന.
ഛാവ എന്ന ചിത്രത്തില്‍ കേന്ദ്ര കഥാപാത്രമായ ഇതിഹാസ മറാഠയോദ്ധാവ് ഛത്രപതി സംഭാജി മഹാരാജാവിന്റെ വേഷമാണ് വിക്കി കൗശല്‍ അവതരിപ്പിക്കുന്നത്. സംഭാജി മഹാരാജാവിന്റെ ഭാര്യ മഹാറാണി യേശുഭായ് ഭോന്‍സാലെയായി എത്തുന്നത് രശ്മിക മന്ദാനയാണ്. അശുതോഷ് റാണ, ദിവ്യ ദത്ത എന്നിവരും ചിത്രത്തില്‍ പ്രധാന കഥാപാത്രങ്ങളായി എത്തുന്നു. ലക്ഷ്മണ്‍ ഉത്തേകറാണ് സംവിധാനം. മഡോക്ക് ഫിലിംസിന്റെ ബാനറില്‍ ദിനേശ് വിജയനാണ് ചിത്രം നിര്‍മിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
