ശ്രീനാഥ് ഭാസി നായകനായെത്തുന്ന ‘പൊങ്കാല’ എന്ന സിനിമയുടെ പുതിയ പോസ്റ്റര്‍ പുറത്തിറക്കി അണിയറപ്രവര്‍ത്തകര്‍. ഭാസിയും നായിക യാമി സോനയും കടല്‍ത്തീരത്തുകൂടി നടന്നുനീങ്ങുന്ന പോസ്റ്ററാണ് പുറത്തിറക്കിയിരിക്കുന്നത്. ആക്ഷന് ഏറെ പ്രാധാന്യം കൊടുത്ത് ഒരുങ്ങുന്ന ചിത്രമാണിതെന്ന് അണിയറപ്രവര്‍ത്തകര്‍ പറയുന്നു. എ.ബി. ബിനില്‍ കഥയും തിരക്കഥയും രചിച്ച് സംവിധാനവും നിര്‍വഹിക്കുന്ന ചിത്രമാണ് പൊങ്കാല. ആക്ഷന് രംഗങ്ങളില്‍ തിളങ്ങുന്ന ശ്രീനാഥ് ഭാസിയെ ഈ ചിത്രത്തിലൂടെ പ്രേക്ഷകര്‍ക്ക് കാണുവാന്‍ സാധിക്കുമെന്നാണ് അണിയറക്കാര്‍ അവകാശപ്പെടുന്നത്.
മഞ്ഞുമ്മല്‍ ബോയ്‌സിനുശേഷം ഭാസി വീണ്ടും നടന്ന സംഭവത്തെ ആസ്പദമാക്കി ഒരുക്കുന്ന മറ്റൊരു ചിത്രത്തിന്റെ കൂടി ഭാഗമാകുകയാണ് പൊങ്കാലയിലൂടെ. 2000 കാലഘട്ടത്തില്‍ വൈപ്പിന്‍ മുനമ്പം തീരദേശത്ത് നടന്ന ഒരു സംഭവത്തെ ആസ്പദമാക്കിയാണ് ചിത്രത്തിന്റെ കഥ ഒരുക്കിയിരിക്കുന്നത്. ആക്ഷന് കോമഡി ത്രില്ലര്‍ ശ്രേണിയില്‍പെടുന്ന ചിത്രത്തിന്റെ ഷൂട്ടിംഗ് വൈപ്പിന്‍, ചെറായി ഭാഗങ്ങളായാണ് പുരോഗമിക്കുന്നത്. ചിത്രത്തിന്റേതായി ആദ്യം പുറത്തിറങ്ങിയ മോഷന്‍ പോസ്റ്ററും പ്രേക്ഷകശ്രദ്ധ നേടിയിരുന്നു.
ഷൈന്‍ ടോം ചാക്കോ, ബാബുരാജ്, ബിബിന്‍ ജോര്‍ജ്, സുധീര്‍ കരമന, അലന്‍സിയര്‍, കിച്ചു ടെല്ലസ്, സൂര്യകൃഷ്, സാദിഖ്, റോഷന്‍ ബഷീര്‍, മാര്‍ട്ടിന്‍ മുരുകന്‍, സ്മിനു സിജോ, ശാന്തകുമാരി, രേണു സുന്ദര്‍ എന്നിവരും പ്രധാന കഥാപാത്രങ്ങളായി എത്തുന്നു. ഗ്ലോബല്‍ പിക്‌ചേഴ്‌സ് എന്റര്‍ടൈന്മെന്റ്, ദിയാ ക്രിയേഷനും ചേര്‍ന്നാണ് ചിത്രം നിര്‍മ്മിക്കുന്നത്. പ്രൊഡ്യൂസര്‍ ഡോണ തോമസ്. കോപ്രൊഡ്യൂസര്‍ – അനില്‍ പിള്ള. ലൈന്‍ പ്രൊഡ്യൂസര്‍മാര്‍ പ്രജിത രാജേന്ദ്രന്‍, ജിയോ ജെയിംസ്.
ഛായാഗ്രഹണം – ദീപു ചന്ദ്രന്‍. എഡിറ്റര്‍ കബില്‍ കൃഷ്ണ. സംഗീതം രഞ്ജിന്‍ രാജ്. കലാസംവിധാനം – ബാവ. മേക്കപ്പ് – അഖില്‍ ടി. രാജ്. കോസ്റ്റ്യും ഡിസൈന്‍ സൂര്യാ ശേഖര്‍. പ്രൊഡക്ഷന്‍ കണ്‍ട്രോളര്‍ – സെവന്‍ ആര്‍ട്‌സ് മോഹന്‍. പി.ആര്‍.ഒ. – മഞ്ജു ഗോപിനാഥ്. സ്റ്റില്‍സ് – അമല്‍ അനിരുദ്ധ്. ഡിസൈനര്‍ – ആര്‍ട്ടൊ കോര്‍പ്പസ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
