പ്രഭാസ് നായകനാകുന്ന ‘കൽക്കി 2898 എ.ഡി.‘യിലെ ശോഭനയുടെ ക്യാരക്ടർ പോസ്റ്റർ പുറത്ത്. ചിത്രത്തിൽ അതിഥി വേഷത്തിലാണ് താരം എത്തുന്നത്. മറിയം എന്ന കഥാപാത്രമായാണ് ശോഭന വേഷമിടുന്നത്. വർഷങ്ങളുടെ ഇടവേളയ്ക്കുശേഷമാണ് താരം ഒരു തെലുങ്ക് ചിത്രത്തിൻ്റെ ഭാഗമാവുന്നത്.
നേരത്തെ ശോഭനയുടെ കഥാപാത്രത്തെ അണിയറപ്രവർത്തകർ സർപ്രെെസ് ആക്കി വെച്ചിരിക്കുകയായിരുന്നു. ചിത്രത്തിൻ്റെ ട്രെയിലറിലൂടെയാണ് താരത്തിൻ്റെ സാന്നിധ്യം പുറത്തുവിട്ടത്. പ്രഭാസിനൊപ്പം അമിതാഭ് ബച്ചൻ, കമൽഹാസൻ തുടങ്ങിയവരും ചിത്രത്തിലെത്തുന്നുണ്ട്.
വൈജയന്തി മൂവീസിന്റെ ബാനറിൽ ഒരുങ്ങുന്ന ‘കൽക്കി 2898 എ.ഡി’യുടെ ട്രെയിലർ പുറത്ത് വന്നതുമുതൽ സോഷ്യൽ മീഡിയയിൽ തരംഗമായിരുന്നു. ജൂണ്‍ 27-ന് ചിത്രം റിലീസിനെത്തും.
ബിസി 3101-ലെ മഹാഭാരതത്തിലെ ഇതിഹാസ സംഭവങ്ങളിൽ നിന്ന് തുടങ്ങി 2898 AD വരെ സംഭവിക്കുന്ന സഹസ്രാബ്ദങ്ങൾ നീണ്ടുനിൽക്കുന്ന ഒരു യാത്രയാണ് കൽക്കിയുടെ ഇതിവൃത്തം. വൈജയന്തി മൂവീസിന്റെ ബാനറിൽ അശ്വിനി ദത്ത് ചിത്രം നിർമിക്കുന്നു
ദീപിക പദുകോണാണ് ചിത്രത്തില്‍ പ്രഭാസിന്റെ നായികയായി എത്തുന്നത്. ദിഷ പഠാനി, പശുപതി തുടങ്ങിയവരും ചിത്രത്തിലുണ്ട്. സന്തോഷ് നാരായണനാണ് ചിത്രത്തിന്റെ സംഗീതം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
