കന്നഡ സിനിമയിലെ പുത്തന്‍ താരം ദീക്ഷിത് ഷെട്ടി ആദ്യമായി മലയാള സിനിമയില്‍ അഭിനയിക്കുന്ന ഒപ്പീസ് എന്ന ചിത്രത്തിന് തുടക്കമായി. കഴിഞ്ഞ പതിനെട്ട് വര്‍ഷമായി ബോളിവുഡ് സിനിമകളിലും പരസ്യചിത്രങ്ങളിലും പ്രവര്‍ത്തിച്ചു പരിചയമുള്ള സാജന്‍ ജോസഫ് തിരക്കഥയെഴുതി സംവിധാനം ചെയ്യുന്ന ചിത്രത്തില്‍ ഷൈന്‍ ടോം ചാക്കോ, ദര്‍ശന എസ്. നായര്‍ തുടങ്ങിയവര്‍ പ്രധാനവേഷങ്ങള്‍ ചെയ്യുന്നു.
കോപ്പയിലെ കൊടുങ്കാറ്റ്’, അലര്‍ട്ട് 24 X7 എന്നീ ചിത്രങ്ങളും സോജന്‍ ജോസഫ് സംവിധാനം ചെയ്തിട്ടുണ്ട്. ഈ ചിത്രത്തിലൂടെ മലയാള സിനിമയിലേക്ക് ദക്ഷിണേന്ത്യയിലെ പ്രശസ്തമായ ഒരു പ്രൊഡക്ഷന്‍ ഹൗസ് കൂടി കടന്നുവരികയാണ്. നിരവധി ഹിറ്റ് സിനിമകള്‍ സമ്മാനിച്ച പ്രദ്യുമ്‌ന കൊല്ലേഗലിന്റെ ആകര്‍ഷണ്‍ എന്റര്‍ടെയ്ന്‍മെന്റ് പ്രൈവറ്റ് ലിമിറ്റഡ് എന്ന കമ്പനിയാണ് ഈ ചിത്രത്തിലൂടെ മലയാളത്തിലേക്ക് ചുവടുവെക്കുന്നത്. ചിത്രത്തിന്റെ ഔദ്യോഗിക തുടക്കം കൊച്ചിയില്‍ നടന്നു.
സിനിമയിലെ താരങ്ങളും അണിയറ പ്രവര്‍ത്തകരും ചേര്‍ന്ന് ഭദ്രദീപം കൊളുത്തിയാണ് ലോഞ്ച് നടത്തിയത്. ഡിസ്ട്രിബ്യൂട്ടേഴ്‌സ് അസോസിയേഷന്‍ പ്രസിഡന്റ് ലിസ്റ്റിന്‍ സ്റ്റീഫന്‍, സംഗീത സംവിധായകന്‍ എം ജയചന്ദ്രന്‍, സന്തോഷ് തുണ്ടിയില്‍, ഹരിനാരായണന്‍, എം.എ നിഷാദ് തുടങ്ങിയവര്‍ ചേര്‍ന്നാണ് ഭദ്രദീപം തെളിയിച്ചത്. ഇന്ദ്രന്‍സ്, ലെന, ജോ ജോണ്‍ ചാക്കോ, ജോയ് മാത്യ, പ്രമോദ് വെളിയനാട്, ബൈജു എഴുപുന്ന,അനുപ് ചന്ദ്രന്‍, സഞ്ജയ് സിംഗ്, നിധീഷ് പെരുവണ്ണാന്‍ ,കോബ്രാ രാജേഷ്, ജൂബി.പി.ദേവ് , രാജേഷ് കേശവ്, നിവിന്‍ അഗസ്റ്റിന്‍, അന്‍വര്‍, ശ്രയാ രമേഷ്, വിജയന്‍ നായര്‍, മജീഷ് എബ്രഹാം, പ്രകാശ് നാരായണന്‍, സജിതാ മഠത്തില്‍, വിനോദ് കുറുപ്പ്, ജീമോന്‍, ജീജാ സുരേന്ദ്രന്‍, ആന്റണി ചമ്പക്കുളം തുടങ്ങിയവരും സിനിമയിലെ പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിലെ താരങ്ങളേയും അണിയറ പ്രവര്‍ത്തരേയും ചടങ്ങില്‍ പരിചയപ്പെടുത്തി. നിരവധി ഹിറ്റ് ബോളിവുഡ് ചിത്രങ്ങളുടെ ഛായാഗ്രാഹകന്‍ എന്ന രീതിയില്‍ പ്രശസ്തനായ സന്തോഷ് തുണ്ടിയില്‍ ആണ് ഈ ചിത്രത്തിന്റെ ക്യാമറ കൈകാര്യം ചെയ്യുന്നത്. സം?ഗീത സംവിധാനം എം. ജയചന്ദ്രന്‍. പുഷ്പ തുടങ്ങിയ സിനിമകളിലൂടെ പ്രശസ്തനായ റിയല്‍ സതീഷ് ആണ് ഈ ചിത്രത്തിലെ സംഘടനം ഒരുക്കിയിരിക്കുന്നത്. എഡിറ്റര്‍ ശ്യാം ശശീധരന്‍, രചന ബി.കെ ഹരിനാരായണന്‍. കോറിയോഗ്രാഫി- വിഷ്ണു ദേവ, കോസ്റ്റ്യൂം- കുമാര്‍ എടപ്പാള്‍, കലാസംവിധാനം- അരുണ്‍ ജോസ്, മേക്കപ്പ്- മനു മോഹന്‍, എക്‌സികുട്ടീവ് പ്രൊഡ്യൂസര്‍- എല്‍ദോസ് ശെല്‍വരാജ്, കോഡിനേറ്റര്‍- സുനില്‍മോന്‍, പിആര്‍ഒ- വാഴൂര്‍ ജോസ്, പിആര്‍ സ്ട്രാറ്റജി& മാര്‍ക്കറ്റിംഗ്- കണ്ടന്റ് ഫാക്ടറി മീഡിയ. ചിത്രത്തിന്റെ ചിത്രീകരണം ജനുവരി ആദ്യവാരം ആരംഭിക്കും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
