ആരാധകരെ ഏറെ അത്ഭുതപ്പെടുത്തിയായിരുന്നു നടൻ നാഗ ചെെതന്യയും നടി ശോഭിത ധുലിപാലയും തമ്മിലുള്ള വിവാഹനിശ്ചയ വാർത്തകൾ പുറത്തുവന്നത്. ആഗസ്റ്റിലായിരുന്നു ഇരുവരുടെയും നിശ്ചയം. നിശ്ചയത്തിന് ശേഷം മാസങ്ങൾക്കിപ്പുറം ഇരുവരും ഒന്നിച്ചുള്ള ചിത്രം പങ്കുവച്ചിരിക്കുകയാണ് നാഗ ചെെതന്യ. എന്നാൽ കമന്റ്ബോക്സ് ഓഫ് ചെയ്തിട്ടാണ് താരം ചിത്രം പങ്കുവെച്ചിരിക്കുന്നത്.
കറുത്ത വസ്ത്രത്തിൽ സ്റ്റൈലിഷ് ലുക്കിലായിരുന്നു നാഗയും ശോഭിതയും. ചാരനിറത്തിലുള്ള ടീ ഷർട്ടിന് മുകളിൽ കറുത്ത ലെതർ ജാക്കറ്റാണ് നാഗ ചെെതന്യയുടെ വേഷം. ബാഗി ജീൻസും സ്ലീവ്‌ലെസ് ബ്ലാക്ക് ടോപ്പിലുമായിരുന്നു ശോഭിത. “എല്ലായിടത്തും എല്ലാം ഒരേസമയം.”(“Everything everywhere all at once.”) എന്ന് അടികുറിപ്പും ചിത്രത്തിന് നൽകിയിട്ടുണ്ട്.
നാഗ ചെെതന്യയും ശോഭിതയും പ്രണയത്തിലാണെന്ന് നിരവധി അഭ്യൂഹങ്ങൾ പ്രചരിച്ചിരുന്നു. എന്നാൽ ബന്ധത്തെക്കുറിച്ച് ഇരുവരും പരസ്യമായ പ്രതികരണം നടത്തിയിരുന്നില്ല. തുടർന്ന് ആഗസ്റ്റിൽ ഇരുവരുടെയും വിവാഹനിശ്ചയം നടന്നു. ഇരുവരുടേയും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. നിശ്ചയത്തിന്റെ ചിത്രങ്ങൾ പുറത്ത് വന്നതിന് തൊട്ടുപിന്നാലെ ഒട്ടേറെയാളുകൾ അധിക്ഷേപകരമായ കമന്റുകളുമായി രംഗത്തെത്തിയിരുന്നു.
നടി സാമന്തയായിരുന്നു നാഗചൈതന്യയുടെ മുൻഭാര്യ. 2017 ൽ വിവാഹിതരായ ഇവർ നാല് വർഷത്തെ ദാമ്പത്യജീവിതത്തിന് ശേഷം 2021 ഒക്ടോബറിൽ വേർപിരിഞ്ഞതായി പ്രഖ്യാപിച്ചു. പരസ്പര സമ്മതത്തോടെയാണ് വിവാഹമോചനം നടന്നത്. ഏറെ കൊട്ടിഘോഷിക്കപ്പെട്ട വിവാഹമായിരുന്നു നാഗചൈതന്യയുടേയും സാമന്തയുടേയും. വിവാഹശേഷം സാമന്ത തന്റെ സാമൂഹിക മാധ്യമ അക്കൗണ്ടുകളിൽ പേരിനൊപ്പം നാഗചൈതന്യയുടെ കുടുംബപ്പേരായ അക്കിനേനി ചേർത്തിരുന്നു. ഇടക്കാലത്ത് ഈ പേര് സാമന്ത സ്വന്തം അക്കൗണ്ടുകളിൽ നിന്ന് നീക്കം ചെയ്തതോടെയാണ് വേർപിരിയൽ അഭ്യൂഹങ്ങൾ ശക്തമായത്. ഒടുവിൽ എല്ലാത്തിനും അവസാനമിട്ട് സംയുക്തമായാണ് രണ്ടുപേരും തങ്ങൾ വേർപിരിയുകയാണെന്ന് പ്രഖ്യാപിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
