പ്രഖ്യാപന നാൾ മുതലേ ആരാധകരും ചലച്ചിത്ര പ്രേമികളും ആകാംക്ഷയോടെ കാത്തിരിക്കുന്ന ചിത്രമാണ് ‘തങ്കലാൻ’. വിക്രമിന്റെ ഇതുവരെ കാണാത്ത രൂപഭാവങ്ങളും താരവും പാ രഞ്ജിത്തും ആദ്യമായി ഒന്നിക്കുന്ന സിനിമ എന്നതെല്ലാമായിരുന്നു ചർച്ചയാവാനുള്ള പ്രധാന കാരണം. സിനിമയുടെ ടീസറും ശ്രദ്ധ നേടിയിരുന്നു. ഇപ്പോഴിതാ വിക്രമിന്റെ പിറന്നാളിനോടനുബന്ധിച്ച് തങ്കലാൻ ടീം പുറത്തിറക്കിയ പ്രത്യേക വീഡിയോ ശ്രദ്ധനേടുകയാണ്.
തങ്കലാന്റെ ബിഹൈൻഡ് ദ സീൻ വീഡിയോയാണ് അണിയറപ്രവർത്തകർ പുറത്തുവിട്ടിരിക്കുന്നത്. വേദന കടിച്ചമർത്തി മേക്കപ്പിടുന്ന വിക്രമിനെയാണ് വീഡിയോയിൽ കാണാനാവുക. വിവിധ സംഘട്ടനരംഗങ്ങളുടെ ചിത്രീകരണദൃശ്യവും വീഡിയോയിൽ ഉൾപ്പെടുത്തിയിട്ടുണ്ട്. അർദ്ധനഗ്നനായ കഥാപാത്രമായാണ് തങ്കലാനിൽ വിക്രം എത്തുന്നത്.
കോലാർ സ്വർണ ഖനി പശ്ചാത്തലമായി അണിയിച്ചൊരുക്കിയ പീരിയോഡിക്കൽ ആക്ഷൻ ചിത്രമാണ് തങ്കലാൻ. തമിഴ്, മലയാളം, തെലുങ്ക്, കന്നഡ, ഹിന്ദി ഭാഷകളിലായി തങ്കലാൻ തിയേറ്ററുകളിലെത്തും. ചിത്രത്തിലെ മറ്റൊരു പ്രധാന കഥാപാത്രമായ പാർവതി തിരുവോത്തിന്റെ ഗംഗമ്മയുടെ ക്യാരക്റ്റർ പോസ്റ്റർ ഈയിടെയാണ് പുറത്തിറങ്ങിയത്.
മാളവികാ മോഹനൻ, പശുപതി, ഹരികൃഷ്ണൻ അൻപുദുരൈ, പ്രീതി കരൺ, മുത്തുകുമാർ തുടങ്ങിയവരാണ് മറ്റ് അഭിനേതാക്കൾ. നച്ചത്തിരം നഗർകിറത് എന്ന ചിത്രത്തിന് ശേഷം പാ രഞ്ജിത് സംവിധാനം ചെയ്യുന്ന ചിത്രമാണ് തങ്കലാൻ. സംവിധായകൻ പാ രഞ്ജിത്തും തമിഴ് പ്രഭും ചേർന്നാണ് തിരക്കഥ രചിച്ചിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
അഴകിയ പെരിയവൻ സംഭാഷണവും എ കിഷോർ കുമാർ ഛായാഗ്രഹണവും നിർവഹിക്കുന്നു. എസ്. എസ്. മൂർത്തിയാണ് കലാ സംവിധാനം. ജി.വി പ്രകാശ് കുമാറാണ് സംഗീതസംവിധാനം. കെ.യു. ഉമാദേവി, അരിവ്, മൗനൻ യാത്രിഗൻ എന്നിവരുടേതാണ് വരികൾ. നീലം പ്രൊഡക്ഷൻസും സ്റ്റുഡിയോ ഗ്രീനിന്റെ ബാനറിൽ കെ.ഇ. ജ്ഞാനവേൽ രാജയും ചേർന്നാണ് ചിത്രം നിർമിക്കുന്നത്.
