പ്രചരിക്കുന്നതൊന്നുമല്ല, ഞങ്ങളുടെ കയ്യിലുള്ളത് വേറെ തിരക്കഥയാണ്; 'രാജാ സാബി'നേക്കുറിച്ച് സംവിധായകൻ

രാജാ സാബുമായി ബന്ധപ്പെട്ട ഐ.എം.ഡി.ബി പേജിൽ അപ്ഡേറ്റ് ചെയ്യപ്പെട്ട ലോ​ഗ് ലൈനുകളൊന്ന് പറയുന്നത് ഒരു നിധി വേട്ടയാണ് ചിത്രത്തിന്റെ പ്രമേയമെന്നാണ്. നായകന് പാരമ്പര്യമായി ലഭിച്ച വസ്തുവാണ് രാജാ ഡീലക്സ് എന്ന സിനിമാ തിയേറ്റർ. ഈ വസ്തുവിൽ എവിടെയോ നിധിയുണ്ടെന്ന് മനസിലാക്കി അതുതേടുന്നയാളാണ് നായകനെന്നാണ് ഒരു കഥ. എന്നാൽ സംവിധായകൻ മാരുതി പങ്കുവെച്ചിരിക്കുന്നത് മറ്റൊരു ലോ​ഗ് ലൈനാണ്.

ദമ്പതിമാരാണ് ചിത്രത്തിലെ പ്രധാന കഥാപാത്രങ്ങളെന്നാണ് മാരുതി പങ്കുവെച്ച എക്സ് പോസ്റ്റിലെ സ്ക്രീൻഷോട്ട് പറയുന്നത്. ഒരു നെ​ഗറ്റീവ് എനർജിയുടെ സാന്നിധ്യം അനുഭവപ്പെടുന്നതിനേത്തുടർന്ന് ഇവർക്ക് തങ്ങളുടെ വിധി മാറ്റിമറിക്കേണ്ടിവരികയാണ് എന്നാണ് ഇതിലുള്ളത്. ഇങ്ങനെയൊരു കഥയേക്കുറിച്ചറിയില്ലെന്നും മറ്റൊരു തിരക്കഥവെച്ചാണ് ചിത്രം ഷൂട്ട് ചെയ്യുന്നതെന്നും ഐ.എം.ഡി.ബി ലോകം ഇക്കാര്യം ഉൾക്കൊള്ളുമോ എന്നുമാണ് എക്സ് പോസ്റ്റിൽ സംവിധായകൻ മാരുതി ചോദിക്കുന്നത്.

പീപ്പിൾ മീഡിയ ഫാക്ടറിയുടെ ബാനറിൽ നിർമ്മാണം ടി.ജി.വിശ്വപ്രസാദ് നിർവഹിക്കുന്നു. വിവേക് ​​കുച്ചിബോട്ലയാണ് ചിത്രത്തിന്റെ സഹനിർമ്മാണം. തമൻ എസ് ആണ് സംഗീതസംവിധായകൻ. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലാണ് രാജാ സാബ് റിലീസ് ചെയ്യുന്നത്.