'വട്ടേപ്പ'ത്തിന് പിന്നാലെ 'ഓ മാരാ'; മന്ദാകിനിയിലെ പുതിയ ​ഗാനം പുറത്ത്

മെയ് 24-ന് റിലീസിനെത്തുന്ന മന്ദാകിനിയിലെ വീഡിയോ ഗാനം ‘ഓ മാരാ’ പുറത്തിറങ്ങി ചുരുങ്ങിയ സമയം കൊണ്ട് ശ്രദ്ധനേടുന്നു. കഴിഞ്ഞ ആഴ്ച പുറത്തിറങ്ങിയ ഡബ്ഡിയുടെ ലിറിക്കൽ ഗാനം ‘വട്ടേപ്പം’ സോഷ്യൽ മീഡിയയിൽ തരം​ഗമായി മാറിയതിന് പിന്നാലെയാണ് രണ്ടാമത്തെ ​ഗാനവും ശ്രദ്ധിക്കപ്പെടുന്നത്. ബിബിൻ അശോക് സംഗീത സംവിധാനം നിർവ്വഹിക്കുന്ന ‘ഓ മാരാ’ എന്ന ഗാനത്തിനായി വരികൾ ചിട്ടപ്പെടുത്തിയിരിക്കുന്നത് വൈശാഖ് സുഗുണനാണ്. ‘എന്ന് നിന്റെ മൊയ്തീൻ’ ചിത്രത്തിലെ ‘മുക്കത്തെ പെണ്ണേ” എന്ന സൂപ്പർ ഹിറ്റ് ഗാനമാലപിച്ചു കൊണ്ട് പ്രേക്ഷകരുടെ ഇഷ്ടഗായകനായി മാറിയ മഖ്ബൂൽ മൻസൂറാണ് ‘ഓ മാരാ’ പാടിയിരിക്കുന്നത്.

സ്പയർ പ്രൊഡക്ഷൻസിന്റെ ബാനറിൽ സഞ്ജു ഉണ്ണിത്താൻ നിർമ്മിക്കുകയും വിനോദ് ലീല സംവിധാനം, കഥ തിരക്കഥ എന്നിവ നിർവ്വഹിക്കുകയും ചെയ്യുന്ന ചിത്രമാണ് ‘മന്ദാകിനി’. അൽത്താഫ് സലിം, അനാർക്കലി മരക്കാ‍ർ എന്നിവരാണ് ഈ ചിത്രത്തിലെ പ്രധാന വേഷങ്ങൾ കൈകാര്യം ചെയ്യുന്നത്. ഗണപതി എസ് പൊതുവാൾ, അശ്വതി ശ്രീകാന്ത്, പ്രിയ വാരിയർ, അജയ് വാസുദേവ്, ജൂഡ് ആന്റണി, സംവിധായകൻ ലാൽജോസ്, ജാഫർ ഇടുക്കി എന്നിവരാണ് മറ്റു വേഷങ്ങളിലെത്തുന്നത്.

എക്സിക്യൂട്ടീവ് പ്രൊഡ്യുസർ-ബിനു നായർ, ചിത്രസംയോജനം- ഷെറിൽ, കലാസംവിധാനം- സുനിൽ കുമാരൻ, വസ്ത്രാലങ്കാരം- ബബിഷ കെ രാജേന്ദ്രൻ, മേക്കപ്പ്- മനു മോഹൻ, പ്രൊഡക്ഷൻ കൺട്രോളർ-ഷിഹാബ് വെണ്ണല, പ്രൊജക്ട് ഡിസൈനർ-സൗമ്യത വർമ്മ, സൗണ്ട് ഡിസൈൻ-രംഗനാഥ് രവി, ചീഫ് അസോസിയേറ്റ് ഡയറക്ടർ-ഏബിൾ കൗസ്തുഭം, പ്രൊഡക്ഷൻ എക്സിക്യൂട്ടീവ്-വിനോദ് വേണുഗോപാൽ, പ്രൊഡക്ഷൻ മാനേജർ-ആന്റണി തോമസ്, മനോജ്‌, സ്റ്റിൽസ്-ഷൈൻ ചെട്ടികുളങ്ങര, പോസ്റ്റർ ഡിസൈൻ-ഓൾഡ് മങ്ക്സ്, മാർക്കറ്റിങ് ആൻഡ് ഓൺലൈൻ പ്രൊമോഷൻസ്: ഒബ്സ്ക്യൂറ എന്ററേറ്റൻമെന്റ്സ്. മീഡിയ കോഡിനേറ്റർ-ശബരി, പി ആർ ഒ-എ എസ് ദിനേശ്.