ചുരുങ്ങിയ കാലയളവിൽ വ്യത്യസ്തമായ കഥാപാത്രങ്ങളെ അവതരിപ്പിച്ച് ലോകമെമ്പാടുമുള്ള പ്രേക്ഷക ഹൃദയങ്ങളിൽ തന്റേതായ സ്ഥാനം ഊട്ടിയുറപ്പിച്ച നടനാണ് ദുൽഖർ സൽമാൻ. ‘മഹാനടി’, ‘സീതാ രാമം’ തുടങ്ങിയ ബ്ലോക്ക്ബസ്റ്റർ ചിത്രങ്ങളിലൂടെ തെലുങ്ക് സിനിമാ പ്രേമികൾക്കിടയിൽ അദ്ദേഹത്തിന് വലിയ ആരാധകരുണ്ട്. താരത്തിന്റെ വരാനിരിക്കുന്ന ബഹുഭാഷാ ചിത്രമായ ‘ലക്കി ഭാസ്കർ’ ന്റെ ടീസർ പുറത്തിറങ്ങി.
‘ലക്കി ഭാസ്കർ’ൽ ദുൽഖർ ബാങ്ക് കാഷ്യറായാണ് എത്തുന്നത്. ഇതുവരെ കാണാത്ത ലുക്കിലാണ് ദുൽഖറെത്തുന്നത്. വലിയ സമ്പത്ത് നേടാനുള്ള ഭാസ്കറിൻ്റെ അസാധാരണ യാത്രയാണ് ടീസർ പിന്തുടരുന്നത്. “ഒരു ഇടത്തരക്കാരന് പിശുക്ക് ജീവിതം നയിച്ച് തൻ്റെ സമ്പാദ്യം വർധിപ്പിക്കാനും വെല്ലുവിളിക്കുകയാണെങ്കിൽ വലിയ തുക ചെലവഴിക്കാനും കഴിയും” എന്ന ഭാസ്കറിന്റെ ഡയലോഗാണ് ടീസറിൽ പ്രധാനമായും പ്രതിധ്വനിക്കുന്നത്. എന്തുകൊണ്ടാണ് അദ്ദേഹത്തെ ചോദ്യം ചെയ്യുന്നത് ? അവൻ എങ്ങനെയാണ് ഇത്രയും വലിയ പണം സമ്പാദിച്ചത് ? തുടങ്ങിയ ചോദ്യങ്ങളാണ് ടീസർ പ്രേക്ഷകർക്കുമുന്നിൽവെയ്ക്കുന്നത്.
ധനുഷ് നായകനായ വാത്തി എന്ന ചിത്രത്തിനുശേഷം വെങ്കി അറ്റ്ലൂരി സംവിധാനംചെയ്യുന്ന ചിത്രമാണ് ലക്കി ഭാസ്കർ. വെങ്കിയുടെ മുൻ ചിത്രമായ ‘വാത്തി’ സാമൂഹിക പ്രതിബദ്ധതയുള്ള ഒരു ബ്ലോക്ക്ബസ്റ്റർ എൻ്റർടെയ്‌നർ എന്ന നിലയിൽ നിരൂപകരുടെയും പ്രേക്ഷകരുടെയും പ്രശംസ നേടിയിരുന്നു. ചിത്രത്തിൽ നായികയായി എത്തുന്നത് മീനാക്ഷി ചൗധരിയാണ്. അടുത്തിടെ മഹേഷ് ബാബു നായകനായ ‘ഗുണ്ടൂർ കാര’ത്തിൻ്റെ ഭാഗമായിരുന്നു അവർ.
സിത്താര എൻ്റർടൈൻമെൻ്റ്‌സിൻ്റെയും ഫോർച്യൂൺ ഫോർ സിനിമാസിൻ്റെയും ബാനറിൽ സൂര്യദേവര നാഗ വംശിയും സായ് സൗജന്യയും ചേർന്നാണ് ചിത്രം നിർമ്മിച്ചിരിക്കുന്നത്. ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്. ഛായാഗ്രാഹകൻ -നിമിഷ് രവി, പ്രൊഡക്ഷൻ ഡിസൈൻ -ബംഗ്ലാൻ, എഡിറ്റർ -നവിൻ നൂലി. ജിവി പ്രകാശ് കുമാറാണ് സംഗീതം നൽകിയിരിക്കുന്നത്. തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളിൽ ലോകമെമ്പാടും ‘ലക്കി ഭാസ്കർ’ റിലീസ് ചെയ്യും. ചിത്രത്തെക്കുറിച്ചുള്ള കൂടുതൽ വിവരങ്ങൾ ഉടൻ വെളിപ്പെടുത്തും. പിആർഒ: ശബരി.
