വിവാഹ ബന്ധത്തില്‍ നിന്ന് വേര്‍പിരിഞ്ഞതിന് ശേഷവും ആരോഗ്യകരമായ സൗഹൃദം സൂക്ഷിക്കാന്‍ കഴിയുന്ന ചുരുക്കം ചിലരില്‍ പെടുന്നവരാണ് ബോളീവുഡ് താരം ആമിര്‍ ഖാനും സംവിധായികയും നിർമ്മാതാവുമായ കിരണ്‍ റാവുവും. തന്റെ പതിറ്റാണ്ടുകള്‍ നീണ്ട കരിയറിനിടെ കുടുംബത്തിനൊപ്പം മതിയായ സമയം ചെലവഴിക്കാനായില്ല എന്ന കുറ്റബോധത്താല്‍ കരിയറില്‍ നിന്ന് പിന്‍വാങ്ങുന്നതായി കോവിഡ് കാലത്ത് അമീര്‍ ഖാന്‍ പ്രഖ്യാപിച്ചിരുന്നു. ഇതിൽ നിന്ന് പുറത്തു വരാന്‍ തന്നെ സഹായിച്ച ഘടകങ്ങളെ പറ്റി പറയുകയാണ് ആമിര്‍. ദ ഹോളീവുഡ് റിപ്പോര്‍ട്ടര്‍ ഇന്ത്യക്കായി അനുപമ ചോപ്രയക്ക് നൽകിയ അഭിമുഖത്തിലാണ് കിരണ്‍ റാവുവും ആമിര്‍ ഖാനും മനസ്സു തുറക്കുന്നത്.
2022-ല്‍ പുറത്തിറങ്ങിയ ലാല്‍ ഛദ്ദ സിംഗിൻ്റെ പരാജയത്തിനു ശേഷമാണ് അഭിനയത്തില്‍ നിന്ന് ഇടവേളയെടുക്കുന്നതായി ആമിര്‍ പ്രഖ്യാപിച്ചിരുന്നത്. എന്നാല്‍ തിരിച്ചെത്തിയ ആമിര്‍ തുടര്‍ച്ചയായി ആറു പ്രൊജക്ടുകൾ ഏറ്റെടുക്കുകയും ചെയ്തു. എന്റെ ജീവിതത്തില്‍ അന്നേവരെ ഒരേ സമയം ആറു സിനിമകള്‍ ഞാന്‍ ഏറ്റെടുത്തിരുന്നില്ല. എന്നാല്‍ അത്തരത്തിലൊരു തീരുമാനം എടുക്കുമ്പോള്‍ ഒരു കാര്യം ഞാന്‍ മനസ്സില്‍ ഉറപ്പിച്ചിരുന്നു. ഇനിയുള്ള പത്ത് വര്‍ഷമായിരിക്കും എന്റെ അഭിനയ ജീവിതത്തിലെ സജീവമായുള്ള സമയം.
സിനിമയില്‍ നിന്ന് വിട്ടു നില്‍ക്കാനുള്ള തീരുമാനം പറഞ്ഞപ്പോള്‍ കിരണ്‍ റാവു കരഞ്ഞു. സിനിമയെ നിങ്ങള്‍ വിട്ടു പോകുന്നത് ഞങ്ങളെ വിട്ടു പോകുന്നതിന് തുല്യമാണ്. ആമിര്‍ പറഞ്ഞു. എന്നാല്‍ യോഗയും മെഡിറ്റേഷനും പുസ്തക വായനയുമായുള്ള റിട്ടയര്‍മെന്റ് ജീവിതം താന്‍ ആഗ്രഹിക്കുന്നുണ്ടെന്നും ആമിര്‍ പറയുന്നുണ്ട്. വിവാഹ ബന്ധത്തിൽ നിന്ന് വേർപിരിഞ്ഞ ശേഷവും സമാന താത്പര്യങ്ങൾ പങ്കുവെക്കുന്ന രണ്ട് വ്യക്തികൾ എന്ന നിലയിൽ ഇരുവരും സൂക്ഷിക്കുന്ന സൗഹൃദത്തെ കുറിച്ചും അഭിമുഖത്തിൽ പറയുന്നുണ്ട്.
തന്റെ 56-ാം വയസ്സിലുണ്ടായ തിരിച്ചറിവുകള്‍ വ്യക്തിജീവിതത്തില്‍ മാറ്റങ്ങളുണ്ടാക്കിയതായും ആമിര്‍ ഇതിനുമുമ്പും പറഞ്ഞിട്ടുണ്ട്.ജിവിതത്തില്‍ എന്ത് സംഭവിക്കുമെന്ന് പറയാനാകില്ല. ചിലപ്പോള്‍ നമ്മള്‍ നാളെ മരിച്ചു പോയേക്കാം. അതുകൊണ്ട് കരിയറില്‍ ആക്ടീവായി ഇനിയൊരു പത്ത് വര്‍ഷം കൂടെയുണ്ടാകുമെന്നാണ് ഞാന്‍ കരുതുന്നത്. ഇപ്പോള്‍ 59 വയസ്സുള്ള ഞാന്‍ 70 വയസ്സുവരെ പ്രൊഡക്ടീവായി ജീവിക്കാണമെന്നാണ് കരുതുന്നത്. എഴുത്തുകാരും സംവിധായകരും അടക്കമുള്ള ക്രിയാത്മകമായി ചിന്തിക്കുന്നവരെ സഹായിക്കണമെന്നാണ് പ്രായമാകുംതോറുമുള്ള എന്റെ ആഗ്രഹം.
2025 ഓസ്കർ പുരസ്കാരത്തിനുള്ള ഇന്ത്യയുടെ ഔദ്യോഗിക എൻട്രിയായി തിരഞ്ഞെടുത്തത് കിരൺ റാവു സംവിധാനം ചെയ്ത ലാപതാ ലേഡീസാണ്. ആമിര്‍ഖാന്‍, കിരണ്‍ റാവു, ജ്യോതി ദേഷ്പാണ്ഡെ എന്നിവര്‍ ചേര്‍ന്നാണ് ചിത്രം നിർമ്മിച്ചിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
