വേട്ടയ്ക്കൊരുങ്ങി 'വേട്ടയൻ'; രജനികാന്ത് ചിത്രത്തിന്റെ മാസ് ടൈറ്റിൽ ടീസർ

രജനികാന്ത് നായകനാവുന്ന ഏറ്റവും പുതിയ ചിത്രത്തിന് പേരിട്ടു. വേട്ടയൻ എന്ന ചിത്രത്തിന്റെ ടൈറ്റിൽ പ്രഖ്യാപന വീഡിയോ അണിയറപ്രവർത്തകർ പുറത്തുവിട്ടു.

രജനികാന്ത് നായകനാവുന്ന 170-ാമത്തെ ചിത്രമാണിത്. ജയ് ഭീം എന്ന സൂപ്പർ ഹിറ്റ് ചിത്രത്തിന് ശേഷം ടി.ജെ.

ജ്ഞാനവേൽ സംവിധാനം ചെയ്യുന്ന ചിത്രത്തിൽ വമ്പൻ താരങ്ങളാണ് അണിനിരക്കുന്നത്. ലൈക്ക പ്രൊഡക്ഷൻസാണ് നിർമാണം.

രജനികാന്തിന്റെ സ്റ്റൈലിഷ് രം​ഗങ്ങൾകൂടി ഉൾപ്പെടുത്തിയാണ് ടൈറ്റിൽ ടീസർ പുറത്തുവിട്ടിരിക്കുന്നത്. അമിതാഭ് ബച്ചൻ, ഫഹദ് ഫാസിൽ, റാണ ദ​ഗ്ഗുബട്ടി എന്നിവർ ചിത്രത്തിൽ പ്രധാനവേഷങ്ങളിലുണ്ടാവും.

32 വർഷങ്ങൾക്കു ശേഷമാണ് അമിതാഭ് ബച്ചനും രജനികാന്തും ഒരുമിച്ചഭിനയിക്കുന്നത്. 1991-ൽ ഹം എന്ന ചിത്രത്തിലാണ് ഇരുവരും അവസാനമായി ഒരുമിച്ചഭിനയിച്ചത്.

അതേസമയം ഫഹദ് ഫാസിലും റാണയും രജനികാന്തിനൊപ്പം ആദ്യമായാണ് അഭിനയിക്കുന്നത്. മഞ്ജു വാര്യർ, ദുഷാരാ വിജയൻ, റിതിക സിം​ഗ് എന്നിവരാണ് നായികമാർ.

ഇവരുടെ പോസ്റ്ററുകൾ നേരത്തേ ലൈക്ക പ്രൊഡക്ഷൻസ് പുറത്തുവിട്ടിരുന്നു. അനിരുദ്ധ് ആണ് തലൈവർ ചിത്രത്തിന്റെ സം​ഗീതസംവിധാനം.

എസ്.ആർ. കതിരാണ് ഛായാ​ഗ്രഹണം.

അൻബറിവ് സംഘട്ടനസംവിധാനവും ഫിലോമിൻരാജ് എഡിറ്റിങ്ങും നിർവഹിക്കുന്നു. ലൈക്ക പ്രൊഡക്ഷൻസിന്റെ ബാനറിൽ സുബാസ്കരനാണ് ചിത്രം നിർമിക്കുന്നത്.

Content Highlights: vettaiyan movie title teaser, rajinikanth new movie, tj gnanavel, fahadh faasil, rana daggubatti Add Comment View Comments () Get daily updates from Mathrubhumi.com …