പുഷ്പ-2 വിന്റെ റിലീസ് പ്രഖ്യാപിച്ചത് മുതല്‍ ലോകമെമ്പാടുമുള്ള സിനിമാ പ്രേമികള്‍ വലിയ കാത്തിരിപ്പിലാണ്. കഴിഞ്ഞ ദിവസം ട്രെയിലര്‍ റിലീസ് ഡേറ്റ് പ്രഖ്യാപിച്ച് അല്ലു അര്‍ജുന്‍പുറത്തുവിട്ട പോസ്റ്ററും വന്‍ വൈറലായിരുന്നു. ഇപ്പോഴിതാ പുഷ്പ-2 വിലെ ശ്രീവല്ലിയായി ഒരിക്കല്‍ കൂടെ തിളങ്ങാന്‍ തയ്യറായി നില്‍ക്കുന്ന നടി രശ്മിക മന്ദാന പുറത്തുവിട്ട ഇന്‍സ്റ്റഗ്രാം ചിത്രങ്ങളാണ് ഏറെ ചര്‍ച്ച.
പുഷ്പ ടു വിന്റെ ഡബ്ബിങ് സ്റ്റുഡിയോയിൽനിന്നുള്ള രണ്ട് ചിത്രങ്ങളാണ് രശ്മിക പുറത്തുവിട്ടത്. ആ സന്തോഷവും കളിചിരികളും അവസാനിച്ചുവെന്ന് ക്യാപ്ഷനിട്ട് പുറത്തുവിട്ട ചിത്രത്തില്‍ അതിനുള്ള കാരണവും നടി വ്യക്തമാക്കുന്നുണ്ട്.
പുഷ്പ ദ റൂള്‍-ആദ്യ പകുതി ഡബ്ബിങ് പൂര്‍ത്തിയായതായി നടി അറിയിച്ചു. രണ്ടാം പകുതിക്കും ഞാന്‍ ഡബ്ബ് ചെയ്യുന്നുണ്ട്. ആദ്യ പകുതി തന്നെ വിസ്മയിപ്പിച്ച് കളഞ്ഞു. ഒന്നും പറയാന്‍ കഴിയുന്നില്ല. ഈ സിനിമ നിങ്ങള്‍ക്ക് ഇതുവരെ നല്‍കാത്ത അനുഭവം സമ്മാനിക്കും. രണ്ടാം പകുതിക്കായി എനിക്ക് കാത്തിരിക്കാന്‍ പറ്റുന്നില്ല നടി കുറിച്ചു.
രശ്മിക ഇന്‍സ്റ്റ സ്റ്റോറിയില്‍ പങ്കുവെച്ച ചിത്രങ്ങള്‍ | https://www.instagram.com/rashmika_mandanna/?hl=en
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
