ചെങ്ങന്നൂര്‍: സംവിധായകന്‍ ഉണ്ണി ആറന്മുള (കെ.ആര്‍.ഉണ്ണികൃഷ്ണന്‍ നായർ -77 ) അന്തരിച്ചു. ബുധനാഴ്ച വൈകീട്ടായിരുന്നു അന്ത്യം. ഇടയാറന്മുള സ്വദേശിയാണ്. എതിര്‍പ്പുകള്‍ (1984), സ്വര്‍ഗം (1987 ) എന്നീ ചിത്രങ്ങളുടെ സംവിധായകനായിരുന്നു.
കഴിഞ്ഞദിവസം വൈകിട്ട് ചെങ്ങന്നൂരിലെ ലോഡ്ജില്‍ വെച്ച് ശാരീരിക അസ്വസ്ഥത ഉണ്ടായി. തുടര്‍ന്ന് ആശുപത്രിയില്‍ എത്തിച്ചെങ്കിലും രാത്രിയോടെ മരണം സംഭവിച്ചു.
ഉണ്ണി ആറന്മുള സംവിധാനം ചെയ്ത എതിര്‍പ്പുകള്‍ എന്ന സിനിമയിലൂടെയാണ് ഉര്‍വശി നായികയായി മലയാള സിനിമയിലെത്തുന്നത്.14 ചിത്രങ്ങള്‍ക്ക് ഗാനരചനയും നടത്തിയിട്ടുണ്ട്. കംപ്യൂട്ടര്‍ കല്യാണമായിരുന്നു അവസാന ചിത്രം. എന്നാല്‍ ഈ ചിത്രം പുറത്തിറങ്ങിയില്ല.
അവിവാഹിതനായിരുന്നു.ഡിഫന്‍സ് അക്കൗണ്ട്‌സില്‍ ഉദ്യോഗസ്ഥനായിരുന്നു. സിനിമയോടുള്ള ഇഷ്ടം മൂലം ജോലി രാജിവെക്കുകയായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
