അഭിഷേക് നാമ രചനയും സംവിധാനവും നിർവഹിക്കുന്ന വമ്പന്‍ തെലുങ്ക് ചിത്രമായ ‘നാഗബന്ധ’ത്തിലെ നായകനായ വിരാട് കര്‍ണ്ണയുടെ ഫസ്റ്റ് ലുക്ക് പുറത്ത്. ചിത്രത്തില്‍ വിരാട് കര്‍ണ്ണ അവതരിപ്പിക്കുന്ന ‘രുദ്ര’ എന്ന കഥാപാത്രത്തിന്റെ ലുക്ക് ആണ് പുറത്ത് വിട്ടിരിക്കുന്നത്. തെലുങ്ക് സൂപ്പര്‍താരം റാണ ദഗ്ഗുബാട്ടിയാണ് ഈ ഫസ്റ്റ് ലുക്ക് റിലീസ് ചെയ്തത്. എല്ലാത്തിന്റെയും തുടക്കം രുദ്രയില്‍ നിന്നാണെന്നും അവന്‍ ഉത്തരങ്ങളുമായി എത്തുമെന്നും ഉള്ള കുറിപ്പോടെ ചിത്രത്തിന്റെ പ്രീ ലുക്ക് ഏതാനും ദിവസങ്ങള്‍ക്ക് മുന്‍പ് പുറത്ത് വിട്ടിരുന്നു. ഇപ്പോള്‍ സംക്രാന്തി ആഘോഷങ്ങളോട് അനുബന്ധിച്ചാണ് ഈ രുദ്ര ഫസ്റ്റ് ലുക്ക് റിലീസ് ചെയ്തത്. ദ സീക്രട്ട് ട്രെഷര്‍ എന്നാണ് ചിത്രത്തിന്റെ ടൈറ്റില്‍ ടാഗ് ലൈന്‍. എന്‍ഐകെ സ്റ്റുഡിയോസ്, അഭിഷേക് പിക്‌ചേഴ്‌സ് എന്നിവയുടെ ബാനറില്‍ അന്നപുറെഡ്ഡി നിര്‍മ്മിക്കുന്ന ചിത്രം അവതരിപ്പിക്കുന്നത് ലക്ഷ്മി ഇറയും ദേവാന്‍ഷ് നാമയും ചേര്‍ന്നാണ്. സഹനിര്‍മ്മാതാവ് താരക് സിനിമാസ്.
ചുരുണ്ട മുടിയും താടിയും കൊത്തിയെടുത്ത പോലെ ബലിഷ്ഠവുമായ ശരീരവുമായാണ് വിരാട് കര്‍ണ്ണയെ ഈ ഫസ്റ്റ് ലുക്ക് പോസ്റ്ററില്‍ കാണാന്‍ സാധിക്കുന്നത്. ആകര്‍ഷകവും അതേ സമയം പരുക്കാനുമായ രൂപത്തില്‍ എത്തുന്ന വിരാട് കര്‍ണ്ണയുടെ സിക്‌സ് പാക്ക് മസിലുകളും പോസ്റ്ററില്‍ വ്യക്തമാണ്. കടലില്‍, ഭയപ്പെടുത്തുന്ന മുതലയോട് നിര്‍ഭയമായി പോരാടുന്ന ധീരമായ അവതാരത്തില്‍ ആണ് വിരാട് കര്‍ണ്ണയെ പോസ്റ്ററില്‍ അവതരിപ്പിച്ചിരിക്കുന്നത്. വമ്പന്‍ ആക്ഷന്‍ നിറഞ്ഞ രക്തതരൂക്ഷിതമായ പോസ്റ്ററില്‍ രുദ്രയുടെ ധീരമായ സ്വഭാവവും അശ്രാന്തമായ ശക്തിയും വ്യക്തമാണ്.
ആത്മീയതയും ആവേശകരമായ സാഹസികതയും സംയോജിപ്പിച്ച് ഒരുക്കുന്ന ഈ പാന്‍ ഇന്ത്യന്‍ ചിത്രത്തില്‍ നടേഷ്, ഐശ്വര്യ മേനോന്‍ എന്നിവര്‍ നായികാ വേഷങ്ങള്‍ ചെയ്യുന്നു. ചിത്രത്തിലെ മറ്റു പ്രധാന താരങ്ങള്‍ ജഗപതി ബാബു, ജയപ്രകാശ്, മുരളി ശര്‍മ, ബി എസ് അവിനാശ് എന്നിവരാണ്. ചിത്രത്തിന്റെ ഷൂട്ടിംഗ് ഇപ്പൊള്‍ ഹൈദരാബാദില്‍ പുരോഗമിക്കുകയാണ്.
പത്മനാഭസ്വാമി, പുരി ജഗന്നാഥ് തുടങ്ങിയ ക്ഷേത്രങ്ങളിലെ സമീപകാല നിധി കണ്ടെത്തലുകളില്‍ നിന്ന് പ്രചോദനം ഉള്‍ക്കൊണ്ട്, ഈ ദിവ്യ സ്ഥലങ്ങളെ ചുറ്റിപ്പറ്റിയുള്ള ആകര്‍ഷകമായ പുരാണങ്ങളിലേക്കും അവ സംരക്ഷിക്കുന്നതിനായി രൂപകല്‍പ്പന ചെയ്ത നിഗൂഢമായ ആചാരങ്ങളിലേക്കും ചിത്രത്തിന്റെ കഥ നീങ്ങുന്നു. ഇന്ത്യയിലെ 108 വിഷ്ണു ക്ഷേത്രങ്ങളുമായി ബന്ധപ്പെട്ട നാഗബന്ധത്തെ ചുറ്റിപ്പറ്റിയാണ് ചിത്രത്തിന്റെ കഥ വികസിക്കുന്നത്. വമ്പന്‍ ബഡ്ജറ്റിലൊരുക്കുന്ന ഈ ചിത്രം 2025ല്‍ തെലുങ്ക്, ഹിന്ദി, തമിഴ്, കന്നഡ, മലയാളം ഭാഷകളില്‍ റിലീസ് ചെയ്യും.
ഛായാഗ്രഹണം- സൌന്ദര്‍ രാജന്‍ എസ് , സംഗീതം- അഭേ, എഡിറ്റര്‍- ആര്‍. സി. പനവ്, സിഇഓ -വാസു പൊടിനി, പ്രൊഡക്ഷന്‍ ഡിസൈനര്‍ – അശോക് കുമാര്‍, സംഭാഷണങ്ങള്‍- കല്യാണ്‍ ചക്രവര്‍ത്തി, കോസ്റ്റ്യൂം ഡിസൈനര്‍-അശ്വിന്‍ രാജേഷ്, എക്‌സിക്യൂട്ടീവ് പ്രൊഡ്യൂസര്‍- അഭിനത്രി ജക്കല്‍, ആക്ഷന്‍- വെങ്കട്ട്, വ്‌ലാഡ് റിംബര്‍ഗ്, തിരക്കഥ വികസനം- ശ്രവണ്‍, രാജീവ് എന്‍ കൃഷ്ണ, Vfx തണ്ടര്‍ സ്റ്റുഡിയോസ്, ഢളഃ സൂപ്പര്‍വൈസര്‍-ദേവ് ബാബു ഗാന്ധി (ബുജ്ജി), പബ്ലിസിറ്റി ഡിസൈന്‍ -കാനി സ്റ്റുഡിയോ, പിആര്‍ഓ – ശബരി
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
