നടന്‍ ഷാരൂഖ് ഖാനെതിരെ വധഭീഷണി ഉയര്‍ന്നതുമായി ബന്ധപ്പെട്ട കേസില്‍ ഒരാളെ അറസ്റ്റുചെയ്ത് ഛത്തീസ്ഗഡ് പോലീസ്. ഛത്തീസ്ഗഡിലെ റായ്പുര്‍ സ്വദേശിയായ മുഹമ്മദ് ഫായീസ് ഖാന്‍ എന്ന അഭിഭാഷകനാണ് അറസ്റ്റിലായത്. പഠാന്‍, ജവാന്‍ എന്നീ സിനിമകളുടെ വിജയങ്ങള്‍ക്ക് പിന്നാലെ ഒക്ടോബറിലാണ് ഷാരൂഖിനുനേരെ 50 ലക്ഷം രൂപ ആവശ്യപ്പെട്ട് വധഭീഷണി ഉണ്ടായത്. പിന്നാലെ മുംബൈ പോലീസ് താരത്തിന് വൈ പ്ലസ് (Y+) സുരക്ഷ ഒരുക്കിയിരുന്നു.
സംഭവവുമായി ബന്ധപ്പെട്ട് ഭീഷണികോള്‍ വന്ന ഫോണ്‍നമ്പര്‍ കേന്ദ്രീകരിച്ച നടത്തിയ അന്വേഷണത്തിലാണ് പോലീസ് മുഹമ്മദ് ഫായീസ് ഖാനിലേക്ക് എത്തിയത്. മുംബൈ പോലീസ് ഇയാളോട് അടുത്തുള്ള സ്‌റ്റേഷനില്‍ ഹാജരാകാന്‍ പറഞ്ഞൈങ്കിലും ഫായീസ് തയ്യാറായില്ല. ഇതോടെയാണ് പോലീസ് ഇയാളുടെ റായ്പുരിലുള്ള വീട്ടിലെത്തി അറസ്റ്റുചെയ്തത്.
അതേസമയം, സംഭവത്തെക്കുറിച്ച് തനിക്ക് അറിയില്ലെന്നും ആ സമയത്ത് തന്റെ ഫോണ്‍ നഷ്ടപ്പെട്ട് പോയിരുന്നതായുമാണ് ഫായീസ് പറയുന്നത്. ഇതുമായി ബന്ധപ്പെട്ട് നവംബര്‍ 2-ന് പോലീസില്‍ പരാതി നല്‍കിയിരുന്നതായും ഇയാള്‍ പറയുന്നു. ഭാരതീയ ന്യായ സംഹിത പ്രകാരം സെക്ഷന്‍ 308 (4), 351 (3) (4) എന്നീ വകുപ്പുകള്‍ ചുമത്തിയാണ് പോലീസ് കേസെടുത്തിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
