ദുൽഖർ സൽമാൻ പ്രദർശനത്തിനെത്തിക്കുന്ന 'ജിഗർതണ്ടാ ഡബിൾ എക്സ്'; ബുക്കിങ് ആരംഭിച്ചു

രാഘവ ലോറൻസിന്റെയും എസ്.ജെ. സൂര്യയുടെയും തകർപ്പൻ പ്രകടനങ്ങൾ അടങ്ങുന്ന ചിത്രത്തിന്റെ ട്രെയിലർ കഴിഞ്ഞ ദിവസമാണ് പുറത്തുവിട്ടത്. ‘സൺ ടിവി’യുടെ ‌‌യൂ ട്യൂബ് ചാനലിലൂടെ റിലീസ് ചെയ്ത ട്രെയിലറിൽ രാഷ്ട്രീയക്കാരന്റെ വേഷത്തിൽ പ്രത്യക്ഷപ്പെട്ട ഷൈൻ ടോം ചാക്കോയെ അപ്രതീക്ഷിതമായി കണ്ടതോടെ മലയാളി പ്രേക്ഷകർ ചിത്രത്തിനായുള്ള കാത്തിരിപ്പിലാണ്.

നിമിഷ സജയൻ നായികയായി എത്തുന്ന ചിത്രം ‘ഫൈവ് സ്റ്റാർ ക്രിയേഷൻസ്’ന്റെയും ‘സ്റ്റോൺ ബെഞ്ച് ഫിലിംസ്’ന്റെയും ബാനറിൽ കാർത്തികേയൻ സന്താനവും കതിരേശനും ചേർന്നാണ് നിർമ്മിക്കുന്നത്. 2014 ഓഗസ്റ്റ് ഒന്നിന് റിലീസ് ചെയ്ത ‘ജിഗർതണ്ട’യുടെ തുടർഭാഗമാണ് ‘ജിഗർതണ്ടാ ഡബിൾ എക്സ്’. കതിരേശന്റെ നിർമ്മാണത്തിൽ ഒരുക്കിയ ആദ്യഭാഗത്തിൽ സിദ്ധാർഥ്, ബോബി സിംഹ, ലക്ഷ്മി മേനോൻ എന്നിവരാണ് സുപ്രധാന കഥാപാത്രങ്ങളെ അവതരിപ്പിച്ചത്.

തിരുനവുക്കരാസു ഛായാഗ്രഹണം നിർവ്വഹിക്കുന്ന ‘ജിഗർതണ്ട ഡബിൾ എക്സ്’ന്റെ ചിത്രസംയോജനം കൈകാര്യം ചെയ്തിരിക്കുന്നത് ഷഫീക്ക് മൊഹമ്മദലിയാണ്. വിവേകിന്റെ വരികൾക്ക് സന്തോഷ് നാരായണനാണ് സംഗീതം പകർന്നിരിക്കുന്നത്.

കലാസംവിധാനം: ബാലസുബ്രമണ്യൻ, വസ്ത്രാലങ്കാരം: പ്രവീൺ രാജ, സൗണ്ട് ഡിസൈൻ: കുനാൽ രാജൻ, ഡയറക്ഷൻ ടീം: ശ്രീനിവാസൻ, ആനന്ദ് പുരുഷോത്ത്, കാർത്തിക് വി.പി, വിഘ്നേശ്വരൻ, ജഗദീഷ്, അരവിന്ദ് രാജു, മഹേസ് ബാലു, സൂരജ്, സായ്, മുരുകാനന്ദം, സ്റ്റണ്ട്: ദിലീപ് സുബ്ബരായൻ, കോറിയോഗ്രഫി: ഷെറീഫ് എം, പബ്ലിസിറ്റി ഡിസൈനർ: ടൂണി ജോൺ, എക്സിക്യൂട്ടീവ് പ്രൊഡ്യുസർ: അശോകൻ നാരായണൻ എം, അസോസിയേറ്റ് പ്രൊഡ്യൂസർ: പവൻ നരേന്ദ്ര, പി.ആർ.ഒ -പ്രതീഷ് ശേഖർ.