"അതിനെ തല്ലിക്കൊന്നാൽ പ്രശ്നം തീരില്ലെ"; 'ജെറി' ട്രെയിലർ പുറത്ത്

കോട്ടയം നസീർ, സണ്ണി ജോസഫ്, പ്രമോദ് വെളിയനാട് എന്നിവരെ കേന്ദ്ര കഥാപാത്രങ്ങളാക്കി അനീഷ് ഉദയ് സംവിധാനം ചെയ്യുന്ന ‘ജെറി’യുടെ ട്രെയിലർ പുറത്തിറങ്ങി. ഒരു എലി കാരണമുണ്ടാകുന്ന പ്രശ്നങ്ങളാണ് സിനിമയെന്ന സൂചനയാണ് ട്രെയിലർ നൽകുന്നത്. ചുരുങ്ങിയ സമയം കൊണ്ട് ട്രെയിലർ ശ്രദ്ധനേടിക്കഴിഞ്ഞു.

ജെ സിനിമാ കമ്പനിയുടെ ബാനറിൽ ജെയ്‌സണും ജോയ്‌സണും ചേർന്നാണ് ‘ജെറി’ നിർമ്മിക്കുന്നത്. നൈജിൽ സി മാനുവലിന്റെതാണ് തിരക്കഥ. ഫെബ്രുവരി ഒൻപതിനാണ് ചിത്രം തിയേറ്റർ റിലീസ് ചെയ്യുന്നത്. സരിഗമയാണ് ഓഡിയോ റൈറ്റ്സ് സ്വന്തമാക്കിയിരിക്കുന്നത്. അടുത്തിടെ പുറത്തുവിട്ട ചിത്രത്തിന്റെ ടീസർ, പ്രൊമോ സോങ്ങ് ‘കലപില’ എന്നിവക്ക് ഗംഭീര സ്വീകാര്യതയാണ് പ്രേക്ഷകരിൽ നിന്നും ലഭിച്ചത്. ‘പറക്കും തളിക’യിലും ‘ടോം ആൻഡ് ജെറി’യിലും എലി ഉണ്ടാക്കുന്ന പൊല്ലാപ്പുകൾ കണ്ട് ചിരിച്ച പ്രേക്ഷകരിലേക്കാണ് ‘ജെറി’ എത്തുന്നത്.

ഛായാഗ്രഹണം: നിസ്മൽ നൗഷാദ്, ചിത്രസംയോജനം: രോഹിത് വി എസ് വാരിയത്ത്, സംഗീതം: അരുൺ വിജയ്, ഗാനരചന: വിനായക് ശശികുമാർ, അജിത് പെരുമ്പാവൂർ, ചീഫ് അസോസിയേറ്റ് ഡയറക്ടർ: വിജിത്ത്, പ്രൊജക്ട് ഡിസൈൻ: സണ്ണി ജോസഫ്, പ്രൊഡക്ഷൻ കൺട്രോളർ: മുജീബ് ഒറ്റപ്പാലം, പ്രൊഡക്ഷൻ ഡിസൈൻ: പ്രദീപ് എം വി, വസ്ത്രാലങ്കാരം: രാംദാസ് താനൂർ, മേക്കപ്പ്: ഷൈൻ നെല്ലങ്കര, സൗണ്ട് മിക്സിംഗ്: സിനോയ് ജോസഫ്, വി.എഫ്.എക്സ്: റോ ആൻഡ് ന്യൂ സ്റ്റുഡിയോസ്, കളറിസ്റ്റ്: ലിജു പ്രഭാകർ, സൗണ്ട് ഡിസൈൻ: പ്രശാന്ത് പി മേനോൻ, സ്റ്റിൽസ്: റിഷ്ലാൽ ഉണ്ണികൃഷ്ണൻ, ഡിസൈൻസ്: ജിതേശ്വരൻ ഗുണശേഖരൻ, പിആർ&മാർക്കറ്റിംഗ്: തിങ്ക് സിനിമ.