സാനിയ കമൻ്റ് ചെയ്താൽ ഡാൻസും റിവ്യൂവും നിർത്തുമെന്ന് പെരേര; രസികൻ കമൻ്റുമായി താരം, ആഘോഷമാക്കി ആരാധകർ

‘സാനിയ ഇയ്യപ്പൻ കമന്റ് ചെയ്താൽ റിവ്യൂവും ഡാൻസും നിർത്തുമെന്ന്’ പറഞ്ഞുകൊണ്ടുളള പെരേരയുടെ റീൽ വെെറലായിരുന്നു. ഈ വീഡിയോയ്ക്കാണ് സാനിയ കമന്റുമായി എത്തിയത്. ‘നിർത്തിക്കോ’ എന്നായിരുന്നു സാനിയയുടെ കമന്റ്. നിരവധി പേരാണ് സാനിയയുടെ കമന്റിന് മറുപടിയുമായി എത്തുന്നത്. രണ്ടരലക്ഷത്തോളം ലെെക്കുകൾ സാനിയയുടെ കമന്റിന് ഇതുവരെ ലഭിച്ചു.

‘അങ്ങനെ സാനിയയെ കൊണ്ട് ഒരു ഉപകാരം ഉണ്ടായി‘, ‘3.5 കോടി ജനങ്ങളെ രക്ഷിച്ചു‘ മുതലായ കമന്റുകൾ വരുന്നുണ്ട്. പെരേര വാക്ക് പാലിക്കണമെന്നും ചിലർ ആവശ്യപ്പെടുന്നുണ്ട്.

ഇഷ്ടതാരത്തിന് കൊണ്ട് കമന്റ് ചെയ്യിക്കൽ ട്രെന്റ് കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിൽ സജീവമാകുന്നുണ്ട്. നേരത്തെ രണ്ട് വിദ്യാര്‍ഥിനികള്‍ പോസ്റ്റ് ചെയ്ത് വിഡിയോയ്ക്ക് തെലുങ്ക് നടൻ വിജയ് ദേവരകൊണ്ട കമന്‍റ് ചെയ്തിരുന്നു. പരീക്ഷയില്‍ 90 ശതമാനം മാര്‍ക്ക് നേടിയാല്‍ ഇവരെ നേരിട്ട് കാണാൻ എത്താമെന്നും താരം പറഞ്ഞിരുന്നു. ഇതോടെയാണ് പുത്തൻ ട്രെൻഡ് ആളിക്കത്താൻ തുടങ്ങിയത്.