സിനിമാ ആരാധകര്‍ ഒന്നടങ്കം കാത്തിരിക്കുന്ന ചിത്രമാണ് ഉലകനായകൻ കമൽ ഹാസന്റെ തഗ്‌ലൈഫ്. മണിരത്‌നത്തിന്റെ സംവിധാനത്തിലൊരുങ്ങുന്ന കമല്‍ഹാസന്‍ ചിത്രമെന്നത് പ്രതീക്ഷയുടെ മധുരം കൂട്ടുന്നു. കമല്‍ ഹാസന്റെ 70ാം പിറന്നാള്‍ ദിനത്തില്‍ തഗ് ലൈഫിന്റെ ടീസര്‍ പുറത്ത് വിട്ടിരിക്കുകയാണ് അണിയറ പ്രവര്‍ത്തകര്‍.
ബിഗ് ബജറ്റ് കൊമേഴ്‌സ്യല്‍ ചേരുവകള്‍ ചേര്‍ത്തൊരുക്കുന്ന മണിരത്‌നം മാജിക്കായിരിക്കും ചിത്രമെന്ന് ടീസര്‍ ഉറപ്പ് തരുന്നു. ചിമ്പുവിന്റെ മേക്ക്ഓവറോടു കൂടിയുള്ള ഷോട്ടുകള്‍ ടീസറിനെ വ്യത്യസ്തമാക്കുന്നു. കമല്‍ഹാസന്റെ വിവിധ രൂപഭാവങ്ങളും ടീസറിലുണ്ട്
അടുത്ത വര്‍ഷം ജൂണിലാണ് ചിത്രത്തിന്റെ റിലീസ്. നായകന്‍ കഴിഞ്ഞ് 36 വര്‍ഷങ്ങള്‍ക്ക് ശേഷം മണിരത്‌നവും കമല്‍ഹാസനും ഒന്നിക്കുന്നുവെന്ന പ്രത്യേകതയും ഈ ചിത്രത്തിനുണ്ട്.
തൃഷ,നാസര്‍, ജോജു ജോര്‍ജ്, അലി ഫസല്‍, ഐശ്വര്യ ലക്ഷ്മി, അഭിരാമി എന്നിവരാണ് ചിത്രത്തിലെ മറ്റ് പ്രമുഖ താരങ്ങള്‍
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
