നന്ദമൂരി ബാലകൃഷ്ണ എന്ന ബാലയ്യ അവതരിപ്പിക്കുന്ന അൺസ്റ്റോപ്പബിൾ എൻ.ബി.കെ. എന്ന അഭിമുഖ പരിപാടിയിൽ പങ്കെടുക്കുന്നതിനിടെ കണ്ണീരണിഞ്ഞ് നടൻ സൂര്യ. അഗരം ഫൗണ്ടേഷനെക്കുറിച്ചുള്ള ഒരു വീഡിയോദൃശ്യം കാണിച്ചപ്പോഴായിരുന്നു താരം വികാരാധീനനായത്. സൂര്യക്കൊപ്പം കണ്ണുനിറഞ്ഞിരിക്കുന്ന ബാലയ്യയേും ദൃശ്യങ്ങളിൽ കാണാം.
കങ്കുവ എന്ന ചിത്രത്തിന്റെ പ്രൊമോഷന്റെ ഭാഗമായി പരിപാടിയൽ പങ്കെടുത്തതായിരുന്നു സൂര്യ. പരിപാടിയുടെ പ്രൊമോ വീഡിയോ പുറത്തുവന്നതോടെയാണ് ദൃശ്യങ്ങൾ പുറത്തുവന്നത്. ഏറെ ആവേശത്തോടെയാണ് ആരാധകർ പ്രൊമോ ഏറ്റെടുത്തിരിക്കുന്നത്. പോസ്റ്റ് ചെയ്ത് 10 മണിക്കൂറിനകം ഒരു മില്ല്യൺ കാഴ്ചക്കാരാണ് വീഡിയോ യൂട്യൂബിൽ കണ്ടത്. സൂര്യക്കൊപ്പം സംവിധായകൻ ശിവ, ബോളിവുഡ് താരം ബോബി ഡിയോൾ എന്നിവരും പരിപാടിയിൽ പങ്കെടുത്തു.
പിരീഡ് ആക്ഷന്‍ ഡ്രാമ വിഭാഗത്തിൽ ഒരുങ്ങിയ കങ്കുവ നവംബർ 14 -ന് ആഗോളവ്യാപകമായി തിയേറ്ററുകളിലെത്തും. 350 കോടിയാണ് ചിത്രത്തിന്റെ ബജറ്റ്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ ഈ ചിത്രം കേരളത്തിലെ തിയേറ്ററുകളിലെത്തിക്കും. സ്റ്റുഡിയോ ഗ്രീനിന്റെ ബാനറിൽ കെ ഇ ജ്ഞാനവേൽ രാജ, യു വി ക്രിയേഷൻസിന്റെ ബാനറിൽ വംശി പ്രമോദ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്.
ബോളിവുഡ് താരം ബോബി ഡിയോൾ വില്ലനായ ചിത്രത്തിലെ നായിക ദിഷാ പഠാനിയാണ്. മദൻ കർക്കി, ആദി നാരായണ, സംവിധായകൻ ശിവ എന്നിവർ ചേർന്ന് രചിച്ച ഈ ചിത്രം, 1500 വർഷങ്ങൾക്ക് മുൻപ് നടക്കുന്ന കഥയാണ് പറയുന്നത്. യോഗി ബാബു, പ്രകാശ് രാജ്, കെ എസ് രവികുമാർ, ജഗപതി ബാബു, ഹരിഷ് ഉത്തമൻ, നടരാജൻ സുബ്രമണ്യം, ആനന്ദ് രാജ്, വസുന്ധര കശ്യപ്, റെഡിന് കിങ്‌സ്‌ലി, കോവൈ സരള എന്നിവരാണ് മറ്റ് പ്രധാന താരങ്ങൾ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
