കാലാവസ്ഥാ വ്യതിയാനം: കോളേജ്  വിദ്യാർഥികൾക്കായി വീഡിയോ ഫെസ്റ്റിവൽ

തിരുവനന്തപുരം: തിരുവനന്തപുരം പ്രസ് ക്ലബ്, പർവതാരോഹകൻ ഷെയ്ഖ് ഹസൻ ഖാനുമായി സഹകരിച്ച് കാലാവസ്ഥാ വ്യതിയാനം വിഷയമാക്കി വീഡിയോ ഡോക്യുമെന്ററി ഫെസ്റ്റിവൽ സംഘടിപ്പിക്കുന്നു. കാലാവസ്ഥാ വ്യതിയാനം സൃഷ്ടിക്കുന്ന പ്രതിസന്ധികളെകുറിച്ച് കോളേജ് വിദ്യാർഥി​കളിൽ അവബോധം സൃഷ്ടിക്കുകയാണ് ലക്ഷ്യം.

Farmers, Fishing Community, Differently Abled, Gender എന്നിവയാണ് ഫോക്കസ് ഏരിയ. കേരളത്തിൽനിന്നുള്ള കോളേജ് വിദ്യാർഥികൾക്ക് മത്സരത്തിൽ പങ്കെടുക്കാം. ഇംഗ്ലീഷിലോ മലയാളത്തിലോ പരമാവധി രണ്ട് മിനിറ്റുള്ള വീഡിയോകളാണ് നിർമിക്കേണ്ടത്. ലാൻഡ്സ്കേപ്പ് മോഡിൽ HD (1280 x 720) ഫോർമാറ്റിൽ രണ്ട് ജിബിയിൽ താഴെയുള്ള ഫയലായാണ് വീഡിയോ അ‌യക്കേണ്ടത്.

വീഡിയോയും കോളേജ് പ്രിൻസിപ്പലിന്റെ സാഷ്യപത്രവും 9895130140 എന്ന ടെലിഗ്രാം അക്കൗണ്ടിൽ അപ്ലോഡ് ചെയ്യണം. വിദ്യാർത്ഥികളുടെ പേര്, കോളേജിന്റെ പേര്, മൊബൈൽ നമ്പർ എന്നിവയും ഒപ്പം ചേർക്കണം. ഒരു കോളേജിൽ നിന്ന് പരമാവധി രണ്ട് എൻട്രികൾ മാത്രമേ പാടുള്ളു. നവംബർ 15 ആണ് അ‌വസാന തീയതി.

ഒന്നാം സമ്മാനമായി 10000 രൂപയും രണ്ടാം സമ്മാനമായി 7500 രൂപയും മൂന്നാം സമ്മാനമായി 3000 രൂപയും പ്രോത്സാഹന സമ്മാനമായി 5 പേർക്ക് 1000 രൂപ വീതവും നൽകും. എൻട്രി ഫീസ് ഇല്ല. അൽ മുഖ്താദിർ ഗോൾഡ് ആൻഡ് ഡയമണ്ട്സ് ആണ് പ്രായോജകർ.