'രക്ഷാപ്രവർത്തകർക്കുവേണ്ട സഹായം ഒരുക്കേണ്ടത് നമ്മുടെ കടമ,ഒരുമിച്ച് അതിജീവിക്കാം'; കെെകോർത്ത് താരങ്ങൾ

രക്ഷാപ്രവർത്തകർക്ക് വേണ്ട സഹായം ഒരുക്കേണ്ടത് നമ്മൾ ഓരോരുത്തരുടെയും കടമയാണെന്നും ദുരന്തത്തെ നേരിടാൻ നമ്മളെകൊണ്ട് കഴിയുന്നതൊക്കെ ചെയ്യാൻ ഓരോരുത്തരും ശ്രമിക്കുകയെന്നും നടൻ ഉണ്ണി മുകുന്ദൻ കുറിച്ചു. വയനാടിനായി പ്രാർഥന മാത്രം പോരെന്നും നാം നാം ഓരോരുത്തരും പ്രവർത്തിക്കണമെന്നും നടനും സംവിധായകനുമായ നാദിർഷ പറഞ്ഞു.

‘വയനാട് ജില്ലയിൽ നിന്നുള്ള രക്ഷാ പ്രവർത്തകർക്കു അപകട ബാധിതരേയും കൊണ്ട് കോഴിക്കോട് മെഡിക്കൽ കോളേജിലേക്കുള്ള യാത്ര സുഖമമാക്കാൻ ഏവരും സഹകരിക്കുക. അനാവശ്യ യാത്രകൾ പരമാവധി ഒഴിവാക്കുക. ഒരുമിച്ചു അതിജീവിക്കാം..’, ഷെയിൻ നി​ഗം കുറിച്ചു. മമ്മൂട്ടിയും മോഹൻലാലും മഞ്‍ജു വാര്യരും ഉൾപ്പടെയുള്ള താരങ്ങൾ നേരത്തെ ജാ​ഗ്രത പാലിക്കണമെന്ന് അഭ്യർഥിച്ച് എത്തിയിരുന്നു.

വയനാട് ജില്ലയിലെ മുണ്ടക്കൈ, ചൂരല്‍മല പ്രദേശങ്ങളില്‍ ചൊവ്വാഴ്ച പുലര്‍ച്ചെയോടെയാണ് ദുരന്തം വിതച്ച് വന്‍ ഉരുള്‍പൊട്ടലുണ്ടായത്. പുലര്‍ച്ചെ ഒന്നരയ്ക്കും നാല് മണിക്കുമായി രണ്ട് തവണയാണ് ഉരുള്‍പൊട്ടിയത്.