വെളിച്ചെണ്ണ വില താഴേക്ക്, റബറിനും നേരിയ കുറവ്, ഏലയ്ക്കാ കർഷകർക്ക് കണ്ണീർമഴ! ഇന്നത്തെ അങ്ങാടി വില ഇങ്ങനെ

തമിഴ്നാട്ടിലെ കാങ്കയത്ത് പച്ചത്തേങ്ങ വിളവെടുപ്പ് തുടങ്ങുകയും വെളിച്ചെണ്ണ വില താഴേക്കിറങ്ങുകയും ചെയ്തത് കേരളത്തിലും നേരിയ വിലക്കുറവിന് വഴിവച്ചു. കൊച്ചി വിപണിയിൽ ക്വിന്റലിന് 200 രൂപയാണ് കുറഞ്ഞത്.

അതേസമയം, വിളപ്പെടുപ്പ് ആരംഭിച്ചെങ്കിലും പ്രതീക്ഷിച്ചത്ര ചരക്ക് എത്തുന്നില്ലെന്ന ആശങ്കയുമുണ്ട്.
കൊച്ചിയിൽ കുരുമുളക് വില മാറ്റമില്ലാതെ നിൽക്കുന്നു. ആഭ്യന്തര റബർ വില കഴിഞ്ഞയാഴ്ചയെ അപേക്ഷിച്ച് ഒരു രൂപ കുറഞ്ഞാണ് ഈയാഴ്ച വ്യാപാരം തുടങ്ങിയത്.

ഇന്നു വില മാറ്റമില്ല. ബാങ്കോക്കിൽ ആർഎസ്എസ്-4നു വില ഒരു രൂപ കുറഞ്ഞു.

കൽപറ്റ വിപണിയിൽ കാപ്പിക്കുരു വില മാറിയില്ല. എന്നാൽ‌, ഇഞ്ചി വില കുതിക്കുകയാണ്.

കഴിഞ്ഞയാഴ്ചയെ അപേക്ഷിച്ച് 700 രൂപ ഉയർന്നു.
കട്ടപ്പന കമ്പോളത്തിൽ കൊക്കോ വിലകളും സ്ഥിരത പുലർത്തുന്നു. ലേല കേന്ദ്രങ്ങളിലെത്തുന്ന ഏലയ്ക്ക ഏറ്റെടുക്കാൻ വാങ്ങലുകാർ മത്സരിക്കുന്നുണ്ടെങ്കിലും കർഷകർ നിരാശയിലാണ്.

മഴക്കെടുതി മൂലം പലയിടത്തും കൃഷിനാശമുണ്ടായതാണ് തിരിച്ചടി. കേരളത്തിലെ വിവിധ കേന്ദ്രങ്ങളിലെ വിളകളുടെ ഇന്നത്തെ അങ്ങാടി വിലനിലവാരം താഴെ കാണുന്ന ചിത്രത്തിൽ ക്ലിക്ക് ചെയ്ത്

സന്ദർശിച്ചു വായിക്കാം.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
…