കഞ്ചിക്കോട് ബെമ്‌ലിന്റെ 12 x 12 ടട്രാ സേനയിലേക്ക് | മനോരമ ഓൺലൈൻ ന്യൂസ്- business news malayalam | BEML’s 12×12 Tatra | A New Addition to the Indian Army’s Arsenal | Malayala Manorama Online News
ഇന്ത്യൻ സൈന്യത്തിനു കരുത്തു പകരാൻ ഇനി പാലക്കാടിന്റെ ‘ടട്രാ’
കഞ്ചിക്കോട് (പാലക്കാട്) ∙ ഇന്ത്യൻ സൈന്യത്തിനു കരുത്തു പകരാൻ ബെമ്‌ൽ തദ്ദേശീയമായി നിർമിച്ച ഹൈ മൊബിലിറ്റി വാഹനമായ 12 x 12 ടട്രാ കൂടിയെത്തുന്നു. പൂർണമായി പാലക്കാട് കഞ്ചിക്കോട് ബെമ്‌ൽ പ്ലാന്റിൽ നിർമിച്ച വാഹനം ഉടൻ സൈന്യത്തിനു കൈമാറും.
ഡിഫൻസ് റിസർച് ആൻഡ് ഡവലപ്മെന്റ് ഓർഗനൈസേഷനു (ഡിആർഡിഒ) വേണ്ടി വാഹന ഗവേഷണ വികസന സ്ഥാപനത്തിന്റെ (വിആർഡിഇ) സഹകരണത്തോടെയാണു ബെമ്‌ൽ 12 x 12 ടട്രാ തദ്ദേശീയമായി രൂപകൽപന ചെയ്തു നിർമിച്ചത്. സൈനിക വാഹനങ്ങളുടെയും പടക്കോപ്പുകളുടെയും നീക്കത്തിനാണു 12 ടയറുകളുള്ള ടട്രാ ഉപയോഗിക്കുക.
ബ്രഹ്മോസ് മിസൈൽ ഉൾപ്പെടെ വിക്ഷേപിക്കുന്ന ബേസ് വാഹനമാണിത്. ഇന്ത്യൻ സൈന്യത്തിനായി പാലക്കാട്ടെ കഞ്ചിക്കോട് ബെമ്‌ൽ പ്ലാന്റിൽ നിർമിച്ച 12 x 12 ടട്രാ ഹൈ മൊബിലിറ്റി വാഹനം
ഏറ്റവും കടുപ്പമുള്ള ഭൂഭാഗങ്ങളിലും വ്യത്യസ്ത കാലാവസ്ഥാ സാഹചര്യങ്ങളിലും പ്രവർത്തിക്കാൻ അനുയോജ്യമായ രീതിയിലാണു രൂപകൽപന.
65 ടൺ ഗ്രോസ് വെഹിക്കിൾ വെയ്റ്റ് (ജിവിഡബ്ല്യു) വഹിക്കാവുന്ന 12 x 12 ടട്രാ ബെമ്‌ൽ പ്ലാന്റിലെ ഭാവി ഉൽപന്ന നവീകരണ – ഇൻക്യുബേഷൻ സെന്ററിലാണ് (എഫ്പിഐഐസി) നിർമിച്ചത്.
ബെമ്‌ൽ സിഎംഡി ശാന്തനു റോയിയും വിആർഡിഇ ഡയറക്ടർ ജി.രാമമോഹന റാവുവും ചേർന്നു ലോഞ്ചിങ് നിർവഹിച്ചു. ബിസിനസ് വാർത്തകൾക്ക്: manoramaonline.com/business English Summary: BEML’s indigenously manufactured 12×12 Tatra high-mobility vehicle, built in Kanjikode, Palakkad, is set to join the Indian Army, enhancing its capabilities.
This powerful vehicle is capable of carrying a 65-ton payload and is even used as a BrahMos missile launcher.
mo-auto-militaryvehicles mo-defense-indianarmy mo-business-business-news 7q27nanmp7mo3bduka3suu4a45-list 213rb8lj57qm0ohu4bgq1bfqdm 1uemq3i66k2uvc4appn4gpuaa8-list
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
