ഒമാനിലെ വമ്പൻ ഷോപ്പിങ് മാളിന്റെ നിയന്ത്രണം ഇനി ലുലു ഗ്രൂപ്പിന്; ഒമാൻ സുൽത്താന് നന്ദി പറഞ്ഞ് യൂസഫലി | ലുലു ഗ്രൂപ്പ് | ബിസിനസ് ന്യൂസ് | മനോരമ ഓൺലൈൻ ന്യൂസ് – Lulu Group acquires control of Mall of Muscat | Tamani Global | Oman | MA Yusuff Ali | Malayala Manorama Online News
ഒമാനിലെ ഏറ്റവും വലിയ ഷോപ്പിങ് മാളുകളിലൊന്നായ മാൾ ഓഫ് മസ്കത്തിന്റെ നടത്തിപ്പു ചുമതല ലുലു ഗ്രൂപ്പിന് നൽകുന്നത് സംബന്ധിച്ച കരാറിൽ ലുലു ഗ്രൂപ്പ് ഡയറക്ടർ എ.വി. ആനന്ദ്, തമാനി ഗ്ലോബൽ ബോർഡ് അംഗം അബ്ദുൽ അസീസ് അൽ മഹ്റൂഖി എന്നിവർ ഒപ്പുവയ്ക്കുന്നു.
ലുലു ഗ്രൂപ്പ് ചെയർമാൻ എം.എ. യൂസഫലി, ഒമാൻ വാണിജ്യ, വ്യവസായ മന്ത്രി ഖൈസ് മുഹമ്മദ് അൽ യൂസഫ് തുടങ്ങിയവർ സമീപം (Image Courtesy – Lulu Group)
ഒമാനിലെ ഏറ്റവും വലിയ ഷോപ്പിങ് മാളുകളിലൊന്നായ മാൾ ഓഫ് മസ്കത്തിന്റെ (Mall of Muscat) നിയന്ത്രണം സ്വന്തമാക്കി പ്രമുഖ വ്യവസായി എം.എ.
യൂസഫലി നയിക്കുന്ന ലുലു ഗ്രൂപ്പ് (Lulu Group). 2,000 കോടി രൂപ ചെലവിട്ട് നിർമിച്ചതും 20 ലക്ഷത്തിലധികം ചതുരശ്ര അടി വിസ്തീർണവുമുള്ള മാൾ ഓഫ് മസ്കത്തിൽ ഒമാൻ അക്വേറിയം, ലുലു ഹൈപ്പർമാർക്കറ്റ്, നോവോ സിനിമാസ് തുടങ്ങി 200ലേറെ റീട്ടെയ്ൽ ഔട്ട്‍ലെറ്റുകളുണ്ട്.
മാളിന്റെ നിയന്ത്രണം ലുലു ഗ്രൂപ്പിന് കൈമാറുന്നത് സംബന്ധിച്ച കരാറിൽ ലുലു ഗ്രൂപ്പും ഒമാൻ ഗവൺമെന്റിന് കീഴിലെ സോവറീൻ ഫണ്ടായ തമാനി ഗ്ലോബലും (Tamani Global) ഒപ്പുവച്ചു. ഒമാൻ വാണിജ്യ, വ്യവസായ മന്ത്രി ഖൈസ് മുഹമ്മദ് അൽ യൂസഫ്, ലുലു ഗ്രൂപ്പ് ചെയർമാൻ എം.എ.
യൂസഫലി എന്നിവരുടെ സാന്നിധ്യത്തിൽ ലുലു ഗ്രൂപ്പ് ഡയറക്ടർ എ.വി. ആനന്ദ്, തമാനി ബോർഡ് അംഗം അബ്ദുൽ അസീസ് അൽ മഹ്റൂഖി എന്നിവരാണ് ഒപ്പുവച്ചത്.
മസ്കത്തിൽ നടക്കുന്ന ഒമാൻ ഇൻവെസ്റ്റ്മെന്റ് ഫോറത്തിലായിരുന്നു കരാർ ഒപ്പിടൽ. മാളിലെ ഷോപ്പിങ് സൗകര്യം കൂടുതൽ ലോകോത്തരമാക്കുന്നതിന്റെ ഭാഗമായാണ് ലുലുവിനു കീഴിലെ ലുലു ഹോൾഡിങ്സുമായുള്ള കരാർ.
പദ്ധതിയുടെ സ്ട്രാറ്റജിക് അഡ്വൈസർ ആയി തമാനി ഗ്ലോബൽ പ്രവർത്തിക്കും. മാളിന്റെ നടത്തിപ്പ് ചുമതല ലുലു ഗ്രൂപ്പിന് ലഭിച്ചതിൽ ഒമാൻ സുൽത്താനും ഗവൺമെന്റിനും നന്ദി അറിയിച്ച എം.എ.
യൂസഫലി, ഉപഭോക്താക്കൾക്ക് ഏറ്റവും മികച്ച ഷോപ്പിങ് അനുഭവം ഒരുക്കുമെന്നും വ്യക്തമാക്കി. ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്: manoramaonline.com/business English Summary: M.A.
Yusuffali’s Lulu Group Acquires Control Mall of Muscat, One of Oman’s Largest Malls.
5llahp0u0sulh888p675ag4o4e mo-business-business-news 7q27nanmp7mo3bduka3suu4a45-list mo-business-mayusuffali 1uemq3i66k2uvc4appn4gpuaa8-list mo-business-lulu-group
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
