ന്യൂഡൽഹി ∙ ജിഎസ്ടി റജിസ്ട്രേഷൻ നടപടിക്രമം ലളിതമാക്കാനുള്ള സംവിധാനം നവംബർ ഒന്നിനു നിലവിൽ വരും. 3 പ്രവൃത്തിദിനത്തിനുള്ളിൽ റജിസ്ട്രേഷൻ നൽകുകയാണ് ലക്ഷ്യം.
നിലവിൽ 6 ദിവസം വരെ എടുക്കാം. പ്രതിമാസ ജിഎസ്ടി ബാധ്യത രണ്ടര ലക്ഷം രൂപയിൽ താഴെയുള്ള സംരംഭകർക്കാണ് അപേക്ഷിക്കാൻ കഴിയുക.
ചട്ടങ്ങൾ ലഘൂകരിക്കുന്നതിലൂടെ ജിഎസ്ടിയിലേക്ക് കൂടുതൽ സംരംഭകരെ കേന്ദ്രം ലക്ഷ്യമിടുന്നു. നിലവിൽ 1.15 കോടി സംരംഭങ്ങളാണ് ജിഎസ്ടിയിലുള്ളത്.
ഇതു വൈകാതെ 2 കോടിയാക്കാനാണ് പദ്ധതിയിടുന്നത്. ഉൽപന്നം വിൽക്കുമ്പോൾ ലഭിക്കുന്ന നികുതിയേക്കാൾ (ഔട്ട്പുട്ട്) കൂടുതൽ അതിനുള്ള അസംസ്കൃത വസ്തുക്കൾ വാങ്ങുമ്പോൾ (ഇൻപുട്ട്) നൽകേ‍ണ്ടി വരുന്ന ഇൻവേർട്ടഡ് ഡ്യൂട്ടി ഘടന തിരുത്താനും നവംബർ 1 മുതൽ നടപടിയുണ്ടാകും.
നിലവിൽ ഇത്തരം സാഹചര്യങ്ങളിൽ ബാക്കി തുക റീഫണ്ടായി സംരംഭകർക്കു നൽകുകയാണ് പതിവ്. പലപ്പോഴും ഇതിനു കാലതാമസമുണ്ടാകുന്നതിനാൽ സംരംഭങ്ങളുടെ പണലഭ്യതയെ ബാധിക്കും.
ഭൂരിഭാഗം കേസുകളിലും റീഫണ്ട് ഓട്ടമേറ്റ് ചെയ്യുകയും ഇൻവേർട്ടഡ് ഡ്യൂട്ടി പ്രശ്നം പരിഹരിക്കുകയും ചെയ്യുന്നതോടെ ഈ പ്രതിസന്ധി ഒരു പരിധി വരെ ഒഴിവാകും. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
