സ്വർണവില വീണ്ടും കൂടി; കാതോർക്കാം അമേരിക്കയിലേക്ക്, ‘പണപ്പെരുപ്പം’ വലച്ചാൽ വില ഇനിയും മേലോട്ട്

പ്രതീക്ഷിച്ചതുപോലെ സ്വർണവില ഇന്ന് വീണ്ടും ഉണർവിന്റെ ട്രാക്കിലായി. കേരളത്തിൽ ഗ്രാമിന് വില 40 രൂപ വർധിച്ച് 10,530 രൂപയിലെത്തി.

320 രൂപ ഉയർന്ന് 84,240 രൂപയിലാണ് പവന്റെ വ്യാപാരം. ഈ വിലയ്ക്ക് പുറമേ 3% ജിഎസ്ടി, 45 രൂപയും അതിന്റെ 18% ജിഎസ്ടിയും ചേരുന്ന ഹോൾമാർക്ക് ഫീസ് (53.10 രൂപ), 3 മുതൽ 35% വരെയൊക്കെയാകാവുന്ന പണിക്കൂലി എന്നിവയും കൊടുത്താലേ സ്വർണാഭരണം വാങ്ങാനാകൂ.‌
അമേരിക്കൻ സമ്പദ്‍വ്യവസ്ഥയിലെ ചലനങ്ങൾ .

യുഎസിന്റെ പണപ്പെരുപ്പക്കണക്ക് ഇന്ന് ഇന്ത്യൻ സമയം വൈകിട്ടോടെ പുറത്തുവരും. പണപ്പെരുപ്പം കുറയുകയാണെങ്കിൽ കേന്ദ്രബാങ്കായ ഫെഡറൽ റിസർവ് വീണ്ടും അടിസ്ഥാന പലിശനിരക്ക് കുറയ്ക്കും.

അതു ഡോളറും ട്രഷറി യീൽഡും (കടപ്പത്ര ആദായനിരക്ക്) തളരാനിടയാക്കും; സ്വർണവില കൂടുകയും ചെയ്യും.
യൂറോ, യെൻ, പൗണ്ട് തുടങ്ങി ലോകത്തെ 6 പ്രധാന കറൻസികൾക്കെതിരായ യുഎസ് ഡോളർ ഇൻഡക്സ് ഇപ്പോൾ 0.19% താഴ്ന്ന് 98.36ൽ ആണുള്ളത്. ഈ വീഴ്ച മുതലെടുത്താണ് സ്വർണത്തിന്റെ തിരിച്ചുകയറ്റം.

രാജ്യാന്തര വില ഔൺസിന് 7 ഡോളർ ഉയർന്ന് 3,747 ഡോളറിലാണ് ഇപ്പോൾ വ്യാപാരം ചെയ്യുന്നത്. കേരളത്തിൽ 18 കാരറ്റ് സ്വർണവില ഗ്രാമിന് 35 രൂപ ഉയർന്ന് 8,725 രൂപയായി.

വെള്ളിവില ഗ്രാമിന് ഒരു രൂപ ഉയർന്ന് റെക്കോർഡ് 148 രൂപയും. മറ്റൊരു വിഭാഗം വ്യാപാരികൾ 18 കാരറ്റ് സ്വർണത്തിന് ഈടാക്കുന്നത് ഗ്രാമിന് 35 രൂപ ഉയർത്തി 8,655 രൂപയാണ്.

ഇവർ വെള്ളിവില ഇന്നു മാറ്റിയിട്ടുമില്ല; ഗ്രാമിന് 144 രൂപ.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:

(Disclaimer: ഈ ലേഖനം ഓഹരി/കടപ്പത്രം/മ്യൂച്വൽഫണ്ട്/ക്രിപ്റ്റോകറൻസി മുതലായവ വാങ്ങാനോ വില്‍ക്കാനോ ഉള്ള നിര്‍ദേശമോ ഉപദേശമോ അല്ല. ഓഹരി/കടപ്പത്രം/മ്യൂച്വൽഫണ്ട് മുതലായ നിക്ഷേപങ്ങൾ വിപണിയിലെ റിസ്കുകൾക്ക് വിധേയമാണ്.

നിക്ഷേപം നടത്തുന്നതിന് മുമ്പ് നിങ്ങള്‍ സ്വയം പഠനങ്ങൾ നടത്തുകയോ ഒരു വിദഗ്ധന്റെ ഉപദേശം തേടുകയോ ചെയ്യുക) … FacebookTwitterWhatsAppTelegram