സ്വർണ വില കേരളത്തിൽ ഇന്നും ഇടിഞ്ഞു. ഗ്രാമിന് 75 രൂപ കുറഞ്ഞ് 11,465 രൂപയും പവന് 600 രൂപ താഴ്ന്ന് 91,720 രൂപയുമായി.
ഇതോടെ കഴിഞ്ഞ 3 ദിവസംകൊണ്ട് ഗ്രാമിന് 705 രൂപയും പവന് 5,640 രൂപയുമാണ് കുറഞ്ഞത്. ഇക്കഴിഞ്ഞ ചൊവ്വാഴ്ച വില സർവകാല ഉയരത്തിലായിരുന്നു.
അന്നത്തെ വിലയായ ഗ്രാമിന് 12,170 രൂപയിൽ നിന്നും പവന് 97,360 രൂപയിൽ നിന്നുമാണ് ഇപ്പോൾ വില വൻതോതിൽ താഴ്ന്നിറങ്ങിയത്.
രാജ്യാന്തര സ്വർണവില ഔൺസിന് 4,381 ഡോളർ നിലവാരത്തിൽ നിന്ന് 4,009 ഡോളറിലേക്ക് എത്തിയ പശ്ചാത്തലത്തിലായിരുന്നു കേരളത്തിലും വീഴ്ച. ഗോൾഡ് ഇടിഎഫിലുണ്ടായ വൻതോതിലുള്ള ലാഭമെടുപ്പായിരുന്നു തകർച്ചയ്ക്ക് മുഖ്യകാരണം.
ലാഭമെടുപ്പിന് വഴിവച്ചതാകട്ടെ ഡോളറിന്റെ തളർച്ചയും യുഎസ്-ചൈന വ്യാപാരയുദ്ധം ഉടൻ അവസാനിക്കുമെന്ന വിലയിരുത്തലും.
എന്നാൽ, രാജ്യാന്തര രംഗത്ത് സ്ഥിതി മാറുകയാണ്. ചൈനയും യുഎസും വീണ്ടും വ്യാപാരപ്പോര് തുടങ്ങി.
ഡോളർ ശക്തിപ്പെട്ടു. രാജ്യാന്തര സ്വർണവില ഇപ്പോഴുള്ളത് ഔൺസിന് 36 ഡോളർ ഉയർന്ന് 4,086 ഡോളറിൽ.
രാജ്യാന്തരവില ഈ ട്രെൻഡ് നിലനിർത്തിയാൽ കേരളത്തിലെ വിലയും ഉയർന്നേക്കാമെന്ന ആശങ്കയുണ്ട്.
കേരളത്തിൽ 18 കാരറ്റ് സ്വർണവില ചില ജ്വല്ലറികളിൽ 60 രൂപ താഴ്ന്ന് 9,480 രൂപയായി. വെള്ളിവില 10 രൂപ ഇടിഞ്ഞ് 170 രൂപയും.
മറ്റു ചില ജ്വല്ലറികളിൽ 18 കാരറ്റ് സ്വർണവില ഗ്രാമിന് 60 രൂപ താഴ്ന്ന് 9,430 രൂപയേയുള്ളൂ. വെള്ളിക്കുവില 10 രൂപ കുറഞ്ഞ് 165 രൂപയും.
14 കാരറ്റ് സ്വർണവില ഗ്രാമിന് 7,350 രൂപയാണ്; 9 കാരറ്റിന് 4,750 രൂപ.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
(Disclaimer: ഈ ലേഖനം ഓഹരി/കടപ്പത്രം/മ്യൂച്വൽഫണ്ട്/ക്രിപ്റ്റോകറൻസി മുതലായവ വാങ്ങാനോ വില്‍ക്കാനോ ഉള്ള നിര്‍ദേശമോ ഉപദേശമോ അല്ല. ഓഹരി/കടപ്പത്രം/മ്യൂച്വൽഫണ്ട് മുതലായ നിക്ഷേപങ്ങൾ വിപണിയിലെ റിസ്കുകൾക്ക് വിധേയമാണ്.
നിക്ഷേപം നടത്തുന്നതിന് മുമ്പ് നിങ്ങള്‍ സ്വയം പഠനങ്ങൾ നടത്തുകയോ ഒരു വിദഗ്ധന്റെ ഉപദേശം തേടുകയോ ചെയ്യുക) … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
