സ്വർണ വില കുതിക്കുന്നു, വീണ്ടും റെക്കോർഡിൽ‌ ; ആശങ്കയായി യുഎസ്–ചൈന ‌റെയർ എർ‌ത്തും; മുഹൂർത്ത വ്യാപാരത്തിനും തിരിച്ചടി

മുഹൂർത്ത വ്യാപാരത്തിനു മുന്നോടിയായി സ്വർണ വില റെക്കോർഡിലേക്ക്. ഇന്ന് 22  കാരറ്റ് സ്വർണം ഗ്രാമിന് 190 രൂപയും പവന് 1,520 രൂപയും കൂടി.

ഗ്രാമിന് 12,170 രൂപയും പവന് 97,360 രൂപയുമാണ് പുതിയ വില. ഏതാനും ദിവസങ്ങൾക്കു ശേഷം റെക്കോർഡിൽ തിരിച്ചെത്തി.

കഴിഞ്ഞ രണ്ട് ദിവസം വില കുറഞ്ഞിരുന്നു. 
ഗ്രാമിന് 11,980 രൂപയും 95,840 രൂപയുമായിരുന്നു ഇന്നലത്തെ വില. അതേ സമയം 18 കാരറ്റിനും വില ഉയർന്നു.

ഗ്രാമിന് 10,005 രൂപയായി. 150 രൂപ വർധിച്ചു. 14 കാരറ്റ് സ്വർണം വില ഗ്രാമിന് 780 രൂപയാണ്.

വെള്ളിയുടെ വിലയിൽ മാറ്റമുണ്ടായിട്ടില്ല, ഗ്രാമിന് 180 രൂപയായി തുടരുന്നു.
കാരണം യുഎസ്–ചൈന വ്യാപാരത്തർ‌ക്കം
 
രാജ്യാന്തര രംഗത്തും സാമ്പത്തിക രംഗത്തും അസ്ഥിരതകൾ തുടരുന്നതാണ് വില വർധനവിന് കാരണം. ഇതേ തുടർന്ന് രാജ്യാന്തര വിപണിയിൽ സ്വർണവില ഔൺസിന് 4341 ഡോളറായി.

ഇതാണ് കേരളത്തിലെ സ്വർണ വിലയെയും സ്വാധീനിച്ചതെന്ന് പറയപ്പെടുന്നു. കൂടാതെ അപൂർവ ധാതുക്കളുടെ (റെയർ എർത്ത്) വിതരണം സംബന്ധിച്ച് അമേരിക്കയും ചൈനയും തമ്മിലുള്ള വ്യാപാര പോര് മുറുകുന്നതും സ്വർണവിലയെ ബാധിക്കുന്നു.

യുഎസ് ഡോളറും ബോണ്ടും തളരുന്നതും സ്വർണ വിലയെ സ്വാധീനിച്ചിട്ടുണ്ട്. സ്വർണ വില കുത്തനെ കുതിച്ചുയർന്നത് മുഹൂർത്ത വ്യാപാര വേളയിലെ സ്വർണ ഇടപാടുകളെ സ്വാധീനിക്കുമെന്നും ആശങ്കയുണ്ട്.

… FacebookTwitterWhatsAppTelegram