സ്വർണവിലയിൽ ഇടിവ്; ‘പലിശ’ കുറഞ്ഞതിന് പിന്നാലെ കനത്ത ലാഭമെടുപ്പ്, രൂപ വീണില്ലായിരുന്നെങ്കിൽ വില കൂടുതൽ ഇടിഞ്ഞേനെ!

സംസ്ഥാനത്ത് സ്വർണവിലയിൽ ഇന്നും കുറവ്. ഗ്രാമിന് 50 രൂപ കുറഞ്ഞ് വില 10,190 രൂപയും പവന് 400 രൂപ താഴ്ന്ന് 81,520 രൂപയുമായി.

ഏവരും പ്രതീക്ഷിച്ചതുപോലെ യുഎസ് കേന്ദ്രബാങ്കായ ഫെഡറൽ റിസർവ് അടിസ്ഥാന പലിശനിരക്ക് കുറച്ചിട്ടും സ്വർണവില താഴുകയായിരുന്നു. രാജ്യാന്തരവില ഔൺസിന് 3,704 ഡോളർ എന്ന റെക്കോർഡിൽ‌ എത്തിയെങ്കിലും തൊട്ടുപിന്നാലെ ലാഭമെടുപ്പ് തകൃതിയായത് വിലയെ താഴേക്ക് നയിച്ചു.

3,652 ഡോളറിലാണ് ഇപ്പോൾ വ്യാപാരം പുരോഗമിക്കുന്നത്.
അമേരിക്ക പലിശനിരക്ക് കുറച്ചാൽ ഡോളർ താഴുകയും സ്വർണവില കൂടുകയുമാണ് പതിവ്. എന്നാൽ, ഇക്കുറി

.

ഡോളർ മൂല്യം മെച്ചപ്പെടുത്തുകയും സ്വർണവില താഴുകയും ചെയ്തു. 
കേരളത്തിൽ 18 കാരറ്റ് സ്വർണവില ഗ്രാമിന് 40 രൂപ കുറഞ്ഞ് 8,445 രൂപയായി. വെള്ളിവില മാറ്റമില്ലാതെ ഗ്രാമിന് 139 രൂപ.

മറ്റൊരു വിഭാഗം വ്യാപാരികൾ 18 ഗ്രാമിന് നൽകിയ വില ഗ്രാമിന് 40 രൂപ കുറച്ച് 8,370 രൂപ. ഇവരുടെ ജ്വല്ലറികളിൽ വെള്ളിവില ഗ്രാമിന് 2 രൂപ കുറഞ്ഞ് 135 രൂപയുമായി.

ഇന്ന് ഇന്ത്യൻ രൂപ ഡോളറിനെതിരെ 16 പൈസ താഴ്ന്ന് 88.01ലാണ് രാവിലത്തെ സെഷനിൽ വ്യാപാരം ചെയ്യുന്നത്. രൂപ തളർന്നില്ലായിരുന്നെങ്കിൽ കേരളത്തിൽ സ്വർണവില ഇന്ന് കൂടുതൽ ഇടിയുമായിരുന്നു.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
… FacebookTwitterWhatsAppTelegram