ഭക്ഷണ, പലചരക്ക് വിതരണ കമ്പനിയായ സ്വിഗ്ഗി ലിമിറ്റഡ്, തിരഞ്ഞെടുത്ത സ്ഥലങ്ങളിൽ 100 മുതൽ 200 രൂപ വരെ വിലയിൽ മിതമായ നിരക്കിൽ ഭക്ഷണം വിതരണം ചെയ്യുന്ന ഭക്ഷണ വിതരണ ആപ്പ് ‘ടോയിങ്’ ആരംഭിച്ചു. പുണെയിൽ നിന്നാണ് ഈ ആപ്പ് ‘ഓഫറുകൾ’ ഇപ്പോൾ പുറത്തിറക്കിയിരിക്കുന്നത്.
കോളേജ് വിദ്യാർത്ഥികൾ, ആദ്യമായി ജോലിയിൽ ചേർന്നവർ തുടങ്ങിയ ഉപഭോക്താക്കളെ ലക്ഷ്യം വച്ചാണ് ഈ ആപ്പ് പ്രവർത്തിക്കുന്നത്.
ടോയിങ് പ്രത്യേക സ്വതന്ത്ര ആപ്പാണ്. 100 മുതൽ 150 രൂപ വരെയുള്ള വിലയിൽ ഭക്ഷണം നൽകാൻ കഴിയുന്ന ഭക്ഷണശാലകളുടെ ലിസ്റ്റ് ഇതിൽ ഉൾപ്പെടുത്തും.
വ്യത്യസ്ത സേവനങ്ങൾ
സ്വിഗ്ഗിയുടെ സേവനങ്ങൾക്ക് ഇപ്പോൾ ഏഴ് ആപ്പുകൾ ഉണ്ട്.
ഓരോന്നും വ്യത്യസ്ത സേവനങ്ങൾ വാഗ്ദാനം ചെയ്യുന്നു. ഭക്ഷണ വിതരണത്തിനായുള്ള സ്വിഗ്ഗിയുടെ പ്രധാന ആപ്പ്, ഇൻസ്റ്റാമാർട്ട് എന്ന ക്വിക്ക് കൊമേഴ്‌സ് ഓഫർ, സ്വിഗ്ഗി ഡൈൻ ഔട്ട്, 10 മിനിറ്റ് ഫുഡ് ഡെലിവറി ആപ്പ് സ്നാക്, ട്രാവൽ ആൻഡ് ലൈഫ്‌സ്റ്റൈൽ കൺസേർജ് ആപ്പ് ക്രൂ, പ്രഫഷനൽ സേവനങ്ങൾ വാഗ്ദാനം ചെയ്യുന്ന പിങ്, ഇപ്പോൾ ടോയിങ്.
സമീപ മാസങ്ങളിൽ ഒരൊറ്റ ആപ്പിൽ എല്ലാം വാഗ്ദാനം ചെയ്യുന്ന ‘സൂപ്പർ ആപ്പ്’ തന്ത്രത്തിൽ നിന്ന് വ്യത്യസ്ത സേവനങ്ങൾക്കായി ഒന്നിലധികം ആപ്പുകൾ ഉള്ള സൂപ്പർ ബ്രാൻഡ് മോഡലിലേക്ക് സ്വിഗ്ഗി മാറിയിട്ടുണ്ട്. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
