‘ചിക്കൻ-ഫ്രൈ’ കൊണ്ട് ഇനി പല്ലുതേയ്ക്കാം! പുത്തൻ ടൂത്ത്പേസ്റ്റിനു നല്ല ചൂടൻ വിൽപന | കെഎഫ്സി | ബിസിനസ് ന്യൂസ് | മനോരമ ഓൺലൈൻ ന്യൂസ് – KFC launches fried chicken-flavoured toothpaste, it sells out in 48 hours | KFC Chicken | Hismile | Malayala Manorama Online News
‘ചിക്കൻ-ഫ്രൈ’ കൊണ്ട് ഇനി പല്ലുതേയ്ക്കാം!
പുത്തൻ ടൂത്ത്പേസ്റ്റിനു നല്ല ചൂടൻ വിൽപന
Advertising – product photo of attractive fried chicken under floodlights
ചിക്കൻ-ഫ്രൈയുടെ ടേസ്റ്റുള്ളൊരു ടൂത്ത്പേസ്റ്റ്. വിപണിയിലെത്തി മണിക്കൂറുകൾകൊണ്ട് ചൂടപ്പംപോലെ വിറ്റുംതീർന്നു.
പ്രമുഖ യുഎസ് ഫാസ്റ്റ്-ഫുഡ് ശൃംഖലയായ കെന്റക്കി ഫ്രൈഡ് ചിക്കൻ (കെഎഫ്സി) പുറത്തിറക്കിയ ലിമിറ്റഡ് എഡിഷൻ ടൂത്ത് പേസ്റ്റാണ് 48 മണിക്കൂറിനകം മുഴുവനും വിറ്റുപോയത്. ഹൈസ്മൈൽ (Hismile) എന്ന ഓസ്ട്രേലിയൻ ഓറൽ കെയർ ബ്രാൻഡുമായി ചേർന്നാണ് പേസ്റ്റ് പുറത്തിറക്കിയത്.
Image: us.hismileteeth.com
ഹൈസ്മൈലിന്റെ വെബ്സൈറ്റിൽ 13 യുഎസ് ഡോളറിനായിരുന്നു (ഏകദേശം 1,100 രൂപ) ടൂത്ത് പേസ്റ്റ് വിൽപനയ്ക്കുണ്ടായിരുന്നത്. കെഎഫ്‌സിയുടെ പതിനൊന്നു സുഗന്ധവ്യഞ്ജന ചേരുവകളിൽ നിന്ന് പ്രചോദനം ഉൾക്കൊണ്ടു നിർമിച്ചതാണ് പേസ്റ്റ്.
ഫ്ലൂറൈഡ് മുക്തവുമാണ്. ഇതോടൊപ്പം, 59 ഡോളറിന് (5,000 രൂപ) കെഎഫ്സി ഇലക്ട്രിക് ബ്രഷും വിൽപനയ്ക്കുണ്ടായിരുന്നു.
Image: us.hismileteeth.com
ചൂടുള്ള, യഥാർഥ കെഎഫ്സി ചിക്കൻ കഴിക്കുന്നതുപോലെ രുചി പകരാനും വായിൽ വൃത്തിയും പുതുമയുള്ളതുമായ അനുഭവം നൽകാനും പേസ്റ്റിനു കഴിയുമെന്ന് കെഎഫ്സി അവകാശപ്പെട്ടിരുന്നു. ചിക്കൻ-ഫ്രൈ ടൂത്ത് പേസ്റ്റ് ഇനിയും വിപണിയിലിറക്കുമോ, ഇന്ത്യയിലും ലഭ്യമാക്കുമോ എന്നീ കാര്യങ്ങളിൽ കമ്പനി ഇനിയും വ്യക്തത വരുത്തിയിട്ടില്ല.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്: manoramaonline.com/business
English Summary:
KFC launches fried chicken-flavoured toothpaste, it sells out in 48 hours
mo-food-kfcchicken mo-business-business-news 7q27nanmp7mo3bduka3suu4a45-list 3b8jr74h70vhp19l6g4ljvoqr9 1uemq3i66k2uvc4appn4gpuaa8-list
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
