ഇരട്ട അക്ക വളർച്ച ‌നേടി തമിഴ്നാട്

ചെന്നൈ∙ 2024-25 കാലയളവിൽ ഇരട്ട അക്ക സാമ്പത്തിക വളർച്ച രേഖപ്പെടുത്തിയ ഏക സംസ്ഥാനമായി തമിഴ്നാട്.

14 വർഷത്തെ ഇടവേളയ്ക്കു ശേഷമാണു സംസ്ഥാനത്തിന് ഈ നേട്ടത്തിലെത്തുന്നത്.
കേന്ദ്ര സ്റ്റാറ്റിസ്റ്റിക്സ് ആൻഡ് പ്രോഗ്രാം ഇംപ്ലിമെന്റേഷൻ മന്ത്രാലയ കണക്കനുസരിച്ച് 11.19% വളർച്ചയാണു സംസ്ഥാനം നേടിയത്. ബജറ്റിൽ പ്രതീക്ഷിച്ചതിനെക്കാൾ 2.2% കൂടുതലാണിത്.

2010-11 കാലഘട്ടത്തിൽ 13.12% വളർച്ച രേഖപ്പെടുത്തിയിരുന്നു. ഡിഎംകെ ഭരിക്കുമ്പോഴാണു രണ്ടു തവണയും നേട്ടം കൊയ്തത്.

2030നുള്ളിൽ ഒരു ട്രില്യൻ ഡോളർ സമ്പദ്‌വ്യവസ്ഥയായി മാറാനുള്ള തമിഴ്നാടിന്റെ ശ്രമങ്ങൾക്ക് വളർച്ച ഊർജം പകരുമെന്ന് മുഖ്യമന്ത്രി എം.കെ.സ്റ്റാലിൻ പറഞ്ഞു. …