ഓണം കഴിഞ്ഞതോടെ സ്വർണ വില സർവകാല റെക്കോർഡ് നിരക്കിൽ നിന്ന് മെല്ലെ താഴേയ്ക്ക് ഇറങ്ങി. കഴിഞ്ഞ ശനിയാഴ്ച കേരളത്തിൽ പവൻ 79,000 രൂപ കടന്ന് റെക്കോർഡിട്ട
സ്വർണ വിലയാണ് ലാഭമെടുപ്പ് തകൃതിയായതിനെ തുടർന്ന് ഇന്ന് മെല്ലെ താഴ്ന്നത്. ഗ്രാമിന് 10 രൂപ താഴ്ന്ന് 9,935 രൂപയും പവന് 80 രൂപ കുറഞ്ഞ് 79,480 രൂപയുമാണ് ഇന്നത്തെ വില.
10,000 രൂപയ്ക്ക് തൊട്ടരികില്‍ തന്നെയാണ് ഇപ്പോഴും ഗ്രാമിന്റെ വില, 10000 ത്തിലേക്കെത്താൻ 65 രൂപയുടെ കുറവേയുള്ളു. ശനിയാഴ്ച ഗ്രാമിന് 80 രൂപ മുന്നേറി വില 9,945 രൂപയായിരുന്നു.
80,000ലേക്ക് വെറും 520 രൂപ കൂടി മതി. ഈ വർഷം ജനുവരി ഒന്നിന് പവന് 57200 രൂപയായിരുന്ന വിലയാണ് 9 മാസത്തിനുള്ളില്‍ 22,280 രൂപ വർധിച്ച് ഈ നിലയിലേക്കുയർന്നത്.
സ്വർണം ഗ്ലോബൽ കറൻസി
രാജ്യാന്തര സ്വർണവില എക്കാലത്തെയും ഉയര്‍ന്ന റെക്കോർഡ് വില ആയ 3600 ഡോളറിനരികിലാണ്, 24കാരറ്റ് സ്വർണ്ണക്കട്ടി ഒരു കിലോഗ്രാമിന് ബാങ്ക് നിരക്ക് ഒരു കോടി 5 ലക്ഷം രൂപയായിട്ടുണ്ട്.
ഡോളറിനെ മറികടന്ന് സ്വർണം ഗ്ലോബൽ കറൻസിയായി മാറുന്നു എന്നാണ് സൂചന. ലോകത്തിലെ സംഭവവികാസങ്ങളെല്ലാം സ്വർണത്തിന് അനുകൂലമായിട്ടാണ് ഇപ്പോൾ സംഭവിച്ചുകൊണ്ടിരിക്കുന്നത്.
ദീപാവലിയോടെ സ്വർണവില പതിനായിരത്തിൽ എത്തും എന്നാണ് വിലയിരുത്തപ്പെടുന്നത്. രാജ്യാന്തര സ്വർണവില 3,800 ഡോളറിലേക്ക് എത്തുമെന്ന സൂചനകളുമുണ്ട്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
