സർവകാല ഉയരത്തിൽനിന്ന് രാജ്യാന്തര വില താഴ്ന്നിറങ്ങിയതോടെ കേരളത്തിലും വില മെല്ലെ താഴേക്ക്. കഴിഞ്ഞവാരം രേഖപ്പെടുത്തിയ ഔൺസിന് 3,599 ഡോളർ എന്ന റെക്കോർഡിൽ നിന്ന് 3,583 ഡോളറിലേക്കാണ് രാജ്യാന്തരവില താഴ്ന്നത്.
കേരളത്തിൽ ഇന്നു ഗ്രാമിന് 10 രൂപ കുറഞ്ഞ് 9,935 രൂപയായി. പവന് 80 രൂപ കുറഞ്ഞ് 79,480 രൂപയും.
ചില ജ്വല്ലറികളിൽ 18 കാരറ്റ് സ്വർണവില ഗ്രാമിന് 5 രൂപ കുറഞ്ഞ് 8,230 രൂപയിലെത്തി.
വെള്ളിവില ഗ്രാമിന് ഒരു രൂപ ഉയർന്ന് 135 രൂപയുമായി. മറ്റു ചില ജ്വല്ലറികളിൽ 18 കാരറ്റ് സ്വർണം വില ഗ്രാമിന് 5 രൂപ താഴ്ന്ന് 8,160 രൂപയാണ്.
വെള്ളിക്ക് വില മാറ്റമില്ലാതെ 133 രൂപയും. ലാഭമെടുപ്പിനെ തുടർന്നാണ് രാജ്യാന്തരവില താഴേക്കിറങ്ങിയത്.
എങ്കിലും, വരുംദിവസങ്ങളിൽ വില ഉയരാനാണ് സാധ്യതയെന്ന് നിരീക്ഷകർ പറയുന്നു.
കാരണം, യുഎസ് കേന്ദ്രബാങ്കായ ഫെഡറൽ റിസർവ് അടിസ്ഥാന പലിശനിരക്ക് കുറയ്ക്കാനുള്ള ഒരുക്കത്തിലാണ്. അമേരിക്കയിൽ പുതിയ തൊഴിലവസരങ്ങൾ പ്രതീക്ഷകളെ തകിടംമറിച്ച് കുത്തനെ കുറഞ്ഞത് പലിശയിറക്കത്തിനുള്ള സാധ്യത വർധിപ്പിച്ചിട്ടുമുണ്ട്.
പലിശ താഴുന്നത് സ്വർണത്തിന് ഉയരാനുള്ള വഴിയാകും. രാജ്യാന്തരവില 3,600 ഡോളർ മറികടക്കാനുള്ള സാധ്യതയേറെ.
കേരളത്തിലും വില അതിന് ആനുപാതികമായി ഉയർന്നേക്കും.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
(Disclaimer: ഈ ലേഖനം ഓഹരി/കടപ്പത്രം/മ്യൂച്വൽഫണ്ട്/ക്രിപ്റ്റോകറൻസി മുതലായവ വാങ്ങാനോ വില്‍ക്കാനോ ഉള്ള നിര്‍ദേശമോ ഉപദേശമോ അല്ല. ഓഹരി/കടപ്പത്രം/മ്യൂച്വൽഫണ്ട് മുതലായ നിക്ഷേപങ്ങൾ വിപണിയിലെ റിസ്കുകൾക്ക് വിധേയമാണ്.
നിക്ഷേപം നടത്തുന്നതിന് മുമ്പ് നിങ്ങള്‍ സ്വയം പഠനങ്ങൾ നടത്തുകയോ ഒരു വിദഗ്ധന്റെ ഉപദേശം തേടുകയോ ചെയ്യുക) …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
