ധരംശാല: ഏകദിന ലോകകപ്പില്‍ ന്യൂസിലന്‍ഡിനെതിരായ മത്സരത്തില്‍ ഓസ്‌ട്രേലിയ ആദ്യം ബാറ്റ് ചെയ്യും. ധരംശാല, ഹിമാചല്‍ പ്രദേശ് ക്രിക്കറ്റ് അസോസിയേഷന്‍ സേറ്റേഡിയത്തില്‍ ടോസ് നേടിയ ന്യൂസിലന്‍ഡ് ക്യാപ്റ്റന്‍ ടോം ലാഥം ബൗളിംഗ് തിരഞ്ഞെടുക്കുകയായിരുന്നു. ഒരു മാറ്റവുമായിട്ടാണ് ന്യൂസിലന്‍ഡ് ഇറങ്ങിയയത്. മാര്‍ക് ചാപ്മാന് പകരം ഓള്‍റൗണ്ടര്‍ ജിമ്മി നീഷം ടീമിലെത്തി. ഓസീസും ഒരു മാറ്റം വരുത്തിയിട്ടുണ്ട്. ഓള്‍റൗണ്ടല്‍ കാമറൂണ്‍ ഗ്രീനിന് പകരം ട്രാവിസ് ഹെഡിനെ തിരിച്ചുവിളിച്ചു.
ദക്ഷിണാഫ്രിക്കന്‍ പര്യടനത്തിനിടെയേറ്റ പരിക്കില്‍ മോചിതനായിട്ടാണ് ഹെഡ് തിരിച്ചെത്തുന്നത്. താരം ഡേവിഡ് വാര്‍ണര്‍ക്കൊപ്പം ഇന്നിംഗ്‌സ് ഓപ്പണ്‍ ചെയ്യും. ഇത്രയും മത്സരങ്ങളില്‍ ഓപ്പണരായിരുന്നു മിച്ചല്‍ മാര്‍ഷ് മൂന്നാമതായി കളിക്കും. മൂന്ന് പേസര്‍മാരും ഒരു സ്‌പെഷ്യലിസ്റ്റ് സ്പിന്നറുമായിട്ടാണ് ഇരു ടീമുകളും ളിക്കുന്നത്. അഞ്ച് മത്സരങ്ങളില്‍ എട്ട് പോയിന്റുള്ള ന്യൂസിലന്‍ഡ് പോയിന്റ് പട്ടികയില്‍ മൂന്നാമതാണ്. മൂന്ന് മത്സരങ്ങളില്‍ ആറ് പോയിന്റുള്ള ഓസ്‌ട്രേലിയ നാലാം സ്ഥാനത്തും.
ന്യൂസിലന്‍ഡ് ജയിച്ചാല്‍ ഇന്ത്യയെ മറികടന്ന് രണ്ടാമതെത്തും. വലിയ മാര്‍ജിനില്‍ ഓസ്‌ട്രേലിയ ജയിക്കുകയാണെങ്കില്‍ ന്യൂസിലന്‍ഡിനെ മറികടന്ന് മൂന്നാം സ്ഥാനത്തെത്തും.
ന്യൂസിലന്‍ഡ്: ഡെവോണ്‍ കോണ്‍വെ, വില്‍ യംഗ്, രചിന്‍ രവീന്ദ്ര, ഡാരില്‍ മിച്ചല്‍, ടോം ലാഥം, ഗ്ലെന്‍ ഫിലിപ്‌സ്, ജെയിംസ് നീഷം, മിച്ചല്‍ സാന്റ്‌നര്‍, മാറ്റ് ഹെന്റി, ലോക്കി ഫെര്‍ഗൂസണ്‍, ട്രെന്റ് ബോള്‍ട്ട്.
ഓസ്‌ട്രേലിയ: ഡേവിഡ് വാര്‍ണര്‍, ട്രാവിസ് ഹെഡ്, മിച്ചല്‍ മാര്‍ഷ്, സ്റ്റീവന്‍ സ്മിത്ത്, മര്‍നസ് ലബുഷെയ്ന്‍, ജോഷ് ഇന്‍ഗ്ലിസ്, ഗ്ലെന്‍ മാക്‌സ്‌വെല്‍, പാറ്റ് കമ്മിന്‍സ്, മിച്ചല്‍ സ്റ്റാര്‍ക്ക്, ആഡം സാംപ, ജോഷ് ഹേസല്‍വുഡ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
