കൊച്ചി> കൊച്ചി തുറമുഖത്ത് നിന്ന് ദുബായിലേക്ക് കടത്താൻ ശ്രമിച്ച 2,200 കിലോ രക്ത ചന്ദനം പിടികൂടിയ കേസ് കസ്റ്റംസിന് കൈമാറും. രക്തചന്ദനം ദുബായിയിലേക്ക് കയറ്റി അയച്ച മലയാളിയായ ലൈസൻസിയെ തിരിച്ചറിഞ്ഞിട്ടുണ്ട്. ഇയാൾക്കായി ഡയറക്ടറേറ്റ് ഓഫ് റവന്യു ഇന്റലിജൻസ് (ഡിആർഐ) അന്വേഷണം ആരംഭിച്ചു.
രണ്ട് എണ്ണ ടാങ്കറുകളിലായി ഒളിപ്പിച്ച രക്ത ചന്ദനം വില്ലിങ്ടൺ ഐലൻഡിലെ കണ്ടെയ്നർ ചരക്ക് സ്റ്റേഷനിൽ നിന്ന് ചൊവ്വാഴ്ച വൈകിട്ടാണ് ഡിആർഐ പിടികൂടിയത്. അന്താരാഷ്ട്ര വിപണിയിൽ ലക്ഷങ്ങൾ വിലയുള്ള രക്തചന്ദനം ആന്ധ്രപ്രദേശിൽ നിന്നാണ് എത്തിച്ചത്. കയറ്റുമതിക്കാരുടെ ലൈസൻസ് ഉപയോഗിച്ച് മറ്റ് ആരെങ്കിലും രക്തചന്ദനം കയറ്റി അയച്ചതാണോയെന്നും പരിശോധിക്കുമെന്ന് ഡിആർഐ വ്യക്തമാക്കി.
ചരക്ക് കൊണ്ടുവന്ന ലോറിയെക്കുറിച്ചും വിവരം ലഭിച്ചു. കൊച്ചിയിൽ നിന്ന് ദുബായിയിലെത്തിക്കുന്ന രക്തചന്ദനം ചൈന, സിംഗപൂർ, ജപ്പാൻ എന്നിവിടങ്ങളിലേക്കാണ് കയറ്റി അയക്കുന്നത്. ഈ രാജ്യങ്ങളിൽ രക്ത ചന്ദനത്തിന് ആവശ്യക്കാർ ഏറെയാണ്. മരുന്നിനായും സംഗീത ഉപകരണങ്ങളുടെ നിർമിതിക്കായും ഇവിടുങ്ങളിൽ രക്ത ചന്ദനം ഉപയോഗിക്കുന്നുണ്ട്.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
