ആലപ്പുഴ ജില്ലയിലെ തുറവൂർ ഉയരപ്പാതയുടെ നിർമാണ സ്ഥലത്ത് രണ്ട് ജനറേറ്ററുകൾ പൂർണ്ണമായി കത്തിനശിച്ചു. ദേശീയപാതയിൽ തുറവൂർ ആലയ്ക്കാപറമ്പിൽ രാത്രി 9.30നാണ് അപകടമുണ്ടായത്.
തുറവൂർ-അരൂർ ഉയരപ്പാതയുടെ നീളം വർധിപ്പിക്കുന്ന ജോലികൾ പുരോഗമിക്കുന്ന പ്രദേശത്താണ് ഈ സംഭവം. എന്നാൽ, രാത്രിയിൽ ഇവിടെ യാതൊരുവിധ നിർമാണ പ്രവർത്തനങ്ങളും നടന്നിരുന്നില്ല.
ദേശീയപാതയിലൂടെ കടന്നുപോയ വാഹനയാത്രികരാണ് ജനറേറ്ററിൽ നിന്ന് തീ ഉയർന്നത് ആദ്യം ശ്രദ്ധിച്ചത്. തുടർന്ന് സംഭവസ്ഥലത്ത് ആളുകൾ പരിഭ്രാന്തിയോടെ ഓടിയെത്തുകയായിരുന്നു.
നിമിഷങ്ങൾക്കകം തീ സമീപത്തുണ്ടായിരുന്ന മറ്റൊരു ജനറേറ്ററിലേക്കുകൂടി പടർന്നുപിടിക്കുകയായിരുന്നു. ഇതിനിടെ, വാഹനങ്ങൾ കൂട്ടിയിടിച്ചാണ് തീപിടിത്തമുണ്ടായതെന്ന തരത്തിലുള്ള വ്യാജ പ്രചാരണങ്ങൾ പരന്നു.
ഇത് റോഡിൽ വാഹനങ്ങൾ നിർത്തിയിടാൻ ഇടയാക്കുകയും ഗതാഗത തടസ്സത്തിന് കാരണമാവുകയും ചെയ്തു. നാട്ടുകാർ വിവരം അറിയിച്ചതിനെത്തുടർന്ന് ചേർത്തലയിൽ നിന്ന് രണ്ട് യൂണിറ്റും അരൂർനിൽ നിന്ന് രണ്ട് യൂണിറ്റും ഉൾപ്പെടെയുള്ള അഗ്‌നിശമനസേനാംഗങ്ങൾ സ്ഥലത്തെത്തിയാണ് തീ അണച്ചത്.
ജനറേറ്ററുകൾക്ക് തീപിടിക്കാനുള്ള കൃത്യമായ കാരണം ഇതുവരെ വ്യക്തമായിട്ടില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
