കന്നട നടന്‍ നാഗഭൂഷണ ഓടിച്ച കാറിടിച്ച് സ്ത്രീമരിച്ചു; താരം അറസ്റ്റിൽ

ബെം​ഗളൂരു: കന്നഡ നടൻ നാ​ഗഭൂഷണ ഓടിച്ച കാർ പാഞ്ഞുകയറി സ്ത്രീ മരിച്ചു. പ്രേമ എസ് (48) ആണ് മരിച്ചത്.

ഇവരുടെ ഭർത്താവ് കൃഷ്ണ (58)യെ ​ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. സംഭവത്തിൽ നാ​ഗഭൂഷണയെ പോലീസ് അറസ്റ്റ് ചെയ്തു.

വസന്തപുര മെയിൻ റോഡിൽ ശനിയാഴ്ചയാണ് സംഭവം നടന്നതെന്ന് പോലീസ് അറിയിച്ചു. നടപ്പാതയിലൂടെ നടന്നുവരികയായിരുന്നു പ്രേമയും കൃഷ്ണയും.

ഈ സമയത്ത് ഉത്തരഹള്ളി ഭാ​ഗത്തുനിന്ന് കോനൻകുണ്ടേ ക്രോസ് ഭാ​ഗത്തേക്ക് വരികയായിരുന്ന നാ​ഗഭൂഷണ സഞ്ചരിച്ചിരുന്ന കാർ ദമ്പതികളെ ഇടിച്ചുതെറിപ്പിക്കുകയായിരുന്നു. സമീപത്തെ വൈദ്യുത കാലിലിടിച്ചാണ് കാർ നിന്നത്,.

അശ്രദ്ധമായാണ് നാ​ഗഭൂഷണ കാറോടിച്ചിരുന്നതെന്ന് പോലീസ് പറഞ്ഞു. ​ആശുപത്രിയിലേക്ക് കൊണ്ടുപോകുംവഴിയാണ് പ്രേമ മരിച്ചത്.

കൃഷ്ണ ചികിത്സയിൽ തുടരുകയാണ്. കുമാരസ്വാമി ലേഔട്ട് ട്രാഫിക് പോലീസ് പരിധിയിലാണ് അപകടം നടന്നത്.

സംഭവം നടന്നയുടൻ തന്നെ പോലീസ് സ്ഥലത്തെത്തി നാ​ഗഭൂഷണയെ അറസ്റ്റ് ചെയ്തു. കന്നഡ സിനിമയിൽ കോമഡി വേഷങ്ങളിലൂടെ ശ്രദ്ധേയനായ നടനാണ് നാ​ഗഭൂഷണ.

Content Highlights: Bengaluru car crash, kannada actor Nagabhushan arrested
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ Add Comment View Comments () Get daily updates from Mathrubhumi.com …