കന്നട നടന്‍ നാഗഭൂഷണ ഓടിച്ച കാറിടിച്ച് സ്ത്രീമരിച്ചു; താരം അറസ്റ്റിൽ

വസന്തപുര മെയിൻ റോഡിൽ ശനിയാഴ്ചയാണ് സംഭവം നടന്നതെന്ന് പോലീസ് അറിയിച്ചു. നടപ്പാതയിലൂടെ നടന്നുവരികയായിരുന്നു പ്രേമയും കൃഷ്ണയും. ഈ സമയത്ത് ഉത്തരഹള്ളി ഭാ​ഗത്തുനിന്ന് കോനൻകുണ്ടേ ക്രോസ് ഭാ​ഗത്തേക്ക് വരികയായിരുന്ന നാ​ഗഭൂഷണ സഞ്ചരിച്ചിരുന്ന കാർ ദമ്പതികളെ ഇടിച്ചുതെറിപ്പിക്കുകയായിരുന്നു. സമീപത്തെ വൈദ്യുത കാലിലിടിച്ചാണ് കാർ നിന്നത്,.

അശ്രദ്ധമായാണ് നാ​ഗഭൂഷണ കാറോടിച്ചിരുന്നതെന്ന് പോലീസ് പറഞ്ഞു. ​ആശുപത്രിയിലേക്ക് കൊണ്ടുപോകുംവഴിയാണ് പ്രേമ മരിച്ചത്. കൃഷ്ണ ചികിത്സയിൽ തുടരുകയാണ്. കുമാരസ്വാമി ലേഔട്ട് ട്രാഫിക് പോലീസ് പരിധിയിലാണ് അപകടം നടന്നത്. സംഭവം നടന്നയുടൻ തന്നെ പോലീസ് സ്ഥലത്തെത്തി നാ​ഗഭൂഷണയെ അറസ്റ്റ് ചെയ്തു. കന്നഡ സിനിമയിൽ കോമഡി വേഷങ്ങളിലൂടെ ശ്രദ്ധേയനായ നടനാണ് നാ​ഗഭൂഷണ.