ദേശീയ അധ്യാപക ദിനം: ഡോ. സർവേപ്പള്ളി രാധാകൃഷ്‌ണന്റെ സ്മരണയിൽ രാജ്യം

സമൂഹത്തിന് വെളിച്ചമേകുന്ന ഗുരുക്കന്മാരുടെ നിസ്വാർത്ഥ സേവനങ്ങളെ ആദരിക്കുന്നതിനായി രാജ്യം ഇന്ന് സെപ്റ്റംബർ 5 ന് അധ്യാപക ദിനം ആചരിക്കുന്നു. വിദ്യാർത്ഥികളുടെയും സമൂഹത്തിന്റെയും വളർച്ചയിൽ അധ്യാപകർ നൽകുന്ന നിർണായക സംഭാവനകളെ സ്മരിക്കുന്നതിനാണ് ഈ പ്രത്യേക ദിവസം മാറ്റിവെച്ചിരിക്കുന്നത്.

ഇന്ത്യയുടെ മുൻ രാഷ്ട്രപതിയും പ്രമുഖ വിദ്യാഭ്യാസ വിദഗ്ധനുമായ ഡോ. സർവേപ്പള്ളി രാധാകൃഷ്‌ണന്റെ ജന്മദിനമാണ് രാജ്യത്ത് അധ്യാപക ദിനമായി കൊണ്ടാടുന്നത്.

1888 സെപ്റ്റംബർ 5 നാണ് അദ്ദേഹം ജനിച്ചത്. തന്റെ ജന്മദിനം വ്യക്തിപരമായി ആഘോഷിക്കുന്നതിന് പകരം രാജ്യത്തെ അധ്യാപകരുടെ സേവനങ്ങളെ അംഗീകരിക്കുന്ന ദിവസമായി ആചരിക്കണമെന്നാണ് അദ്ദേഹം ആഗ്രഹിച്ചത്.

ചെന്നൈ പ്രസിഡൻസി കോളേജിലും കൽക്കട്ട യൂണിവേഴ്‌സിറ്റിയിലും ഉൾപ്പെടെ വിവിധ കോളേജുകളിലും യൂണിവേഴ്‌സിറ്റികളിലും പ്രൊഫസറായി ഡോ എസ്.

രാധാകൃഷ്ണൻ സേവനമനുഷ്ഠിച്ചിട്ടുണ്ട്. കൂടാതെ ആന്ധ്രാപ്രദേശ് യൂണിവേഴ്സിറ്റി, ഡൽഹി യൂണിവേഴ്സിറ്റി, ബനാറസ് ഹിന്ദു യൂണിവേഴ്സിറ്റി എന്നിവയുടെ വൈസ് ചാൻസലറായും അദ്ദേഹം ഔദ്യോഗിക പദവികൾ അലങ്കരിച്ചിട്ടുണ്ട്.

ഈ ദേശീയ അധ്യാപക ദിനത്തിൽ പ്രിയപ്പെട്ട ഗുരുജനങ്ങൾക്കായി പങ്കുവെക്കാവുന്ന ചില ആശംസാ സന്ദേശങ്ങൾ താഴെ നൽകുന്നു: “അറിവിന്റെയും സ്നേഹത്തിന്റെയും പാഠങ്ങൾ പകർന്നുനൽകിയ എല്ലാ ഗുരുക്കന്മാർക്കും ഹൃദയം നിറഞ്ഞ അധ്യാപകദിനാശംസകൾ!” “സ്കൂൾ ജീവിതം കുറച്ചുകൂടി സവിശേഷമാക്കിയ അധ്യാപകന്/അധ്യാപികയ്ക്ക് അധ്യാപകദിനാശംസകൾ.” “ജീവിതത്തിൽ ശരിയും തെറ്റും തിരിച്ചറിയാൻ വഴികാട്ടിയായ പ്രിയപ്പെട്ട

അധ്യാപകർക്ക് എന്റെ അധ്യാപകദിന ആശംസകൾ.” “നിങ്ങൾ തികച്ചും രസകരമാക്കിയ പാഠങ്ങൾ എനിക്കിപ്പോഴും ഓർമ്മയുണ്ട്. അധ്യാപകദിനാശംസകൾ!” “ചില അധ്യാപകർ പാഠഭാഗങ്ങൾ പഠിപ്പിക്കുമ്പോൾ, എനിക്ക് കാര്യങ്ങൾ ചെയ്യാൻ കഴിയുമെന്ന് വിശ്വസിക്കാൻ നിങ്ങൾ എന്നെ പഠിപ്പിച്ചു.

അധ്യാപകദിനാശംസകൾ!” “ക്ഷമയോടെയും സ്നേഹത്തോടെയും ഞങ്ങളെ പഠിപ്പിച്ച എല്ലാ ഗുരുക്കന്മാർക്കും ആദരവോടെ അധ്യാപകദിനാശംസകൾ!” “നല്ലൊരു നാളേക്കായി ഞങ്ങളെ നയിക്കുന്ന എല്ലാ ഗുരുജനങ്ങൾക്കും ഹൃദയം നിറഞ്ഞ അധ്യാപകദിനാശംസകൾ!”