പ്രമുഖ താരം പൃഥ്വിരാജ് സുകുമാരൻ നായകനായി എത്തിയ പുതിയ ചിത്രമായ ‘ഖലീഫ’യിലെ ഏറ്റവും പുതിയ വീഡിയോ ഗാനം അണിയറപ്രവർത്തകർ പുറത്തുവിട്ടു. ‘അസലായവളേ..’ എന്ന് തുടങ്ങുന്ന ഗാനമാണ് ഇപ്പോൾ പ്രേക്ഷകർക്ക് മുന്നിൽ എത്തിയിരിക്കുന്നത്.
സംഗീത ലോകത്ത് നിരവധി ഹിറ്റുകൾ സമ്മാനിച്ചിട്ടുള്ള ജേക്സ് ബിജോയ് – സിദ് ശ്രീറാം കൂട്ടുകെട്ടിൽ ഒരുങ്ങിയ ഈ ഗാനത്തിന് വരികൾ എഴുതിയിരിക്കുന്നത് മുത്തു ആണ്. ജേക്സ് ബിജോയ് സംഗീതം നൽകിയ ഗാനം ആലപിച്ചിരിക്കുന്നത് സിദ് ശ്രീറാമും മഖ്ബൂൽ മൻസൂറും ചേർന്നാണ്.
മുൻപ് പുറത്തിറങ്ങിയ നിരവധി ഗാനങ്ങൾ പോലെ തന്നെ ഈ പാട്ടും സംഗീത ആസ്വാദകരുടെ പ്രിയപ്പെട്ട പട്ടികയിൽ ഇടംപിടിച്ചിട്ടുണ്ട്.
കഴിഞ്ഞ ഓഗസ്റ്റ് 20ന് തിയറ്ററുകളിൽ എത്തിയ ‘ഖലീഫ’ മികച്ച പ്രതികരണത്തോടെ പ്രദർശനം തുടരുകയാണ്. രണ്ടു ഭാഗങ്ങളായാണ് ചിത്രം റിലീസ് ചെയ്തിരിക്കുന്നത്.
മാമ്പറയ്ക്കൽ ആമിർ അലി എന്ന കഥാപാത്രമായാണ് പൃഥ്വിരാജ് ചിത്രത്തിൽ അഭിനയിക്കുന്നത്. ഇതിൽ മാമ്പറയ്ക്കൽ അഹമ്മദ് അലി എന്ന കഥാപാത്രമായി സൂപ്പർതാരം മോഹൻലാൽ അതിഥി വേഷത്തിലും എത്തുന്നുണ്ട്.
മാളവിക ശർമ്മയാണ് ചിത്രത്തിൽ നായികയായി വേഷമിട്ടിരിക്കുന്നത്. താരത്തിന്റെ ആദ്യ മലയാള സിനിമ കൂടിയാണിത്.
ചിത്രത്തിന്റെ തിരക്കഥ ഒരുക്കിയിരിക്കുന്നത് ജിനു എബ്രഹാം ആണ്. ജിനു ഇന്നോവേഷൻസിന്റെ ബാനറിൽ ജിനു വി എബ്രഹാം തന്നെയാണ് ഈ ചിത്രം നിർമ്മിച്ചിരിക്കുന്നത്.
സൂരജ് കുമാർ, ശ്രീലാൽ സൂരപാണി, സിജോ സെബാസ്റ്റ്യൻ എന്നിവരാണ് ചിത്രത്തിന്റെ സഹനിർമ്മാതാക്കൾ. ഛായാഗ്രഹണം നിർവഹിച്ചിരിക്കുന്നത് ജോമോൻ ടി ജോൺ ആണ്.
ചിത്രസംയോജനം ചമൻ ചാക്കോയും പ്രൊഡക്ഷൻ ഡിസൈൻ മോഹൻദാസും നിർവഹിച്ചിരിക്കുന്നു. ആക്ഷൻ ഡയറക്ടർമാരായി ചേതൻ ഡിസൂസ, യാനിക് ബെൻ, ഫോണിക്സ് പ്രഭു എന്നിവരും കോ ഡയറക്ടറായി സുരേഷ് ദിവാകറും പ്രവർത്തിച്ചിട്ടുണ്ട്.
കലാസംവിധാനം വിശ്വനാഥ് അരവിന്ദ്, വസ്ത്രാലങ്കാരം മഷർ ഹംസ, മേക്കപ്പ് അമൽ ചന്ദ്രൻ എന്നിവരാണ്. ശബ്ദലേഖനം സിങ്ക് സിനിമാസും, അഡീഷണൽ മ്യൂസിക് ജാബിർ സുലൈമും ഫൈനൽ മിക്സ് എം ആർ രാജാകൃഷ്ണനും നിർവഹിച്ചിരിക്കുന്നു.
പ്രൊഡക്ഷൻ കൺട്രോളർമാരായി റെനി ദിവാകർ, വിനോഷ് കൈമൾ എന്നിവരും കളറിസ്റ്റായി ശ്രീക്ക് വാര്യരും പ്രവർത്തിച്ചിട്ടുണ്ട്. പോസ്റ്റർ ഡിസൈൻ എയ്സ്തെറ്റിക്ക് കുഞ്ഞമ്മയും ഡിജിറ്റൽ പ്രൊമോഷൻസ് വിപിൻ കുമാറും നിർവഹിക്കുന്നു.
ഡി ഐ കളർ പ്ലാനറ്റും വിഎഫ്എക്സ് പ്രശാന്ത് നായരുമാണ് കൈകാര്യം ചെയ്തിരിക്കുന്നത്. ചിത്രത്തിന്റെ സ്റ്റിൽസ് പകർത്തിയിരിക്കുന്നത് സിനത് സേവിയറാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
