തിരക്കുപിടിച്ച ജീവിതത്തിൽ സമയം ലാഭിക്കാൻ ഇന്ന് മിക്ക വീടുകളിലും ആശ്രയിക്കുന്ന ഒന്നാണ് മൈക്രോവേവ് അവനുകൾ. പലരും ഫ്രിഡ്ജിൽ ഇരിക്കുന്ന ഭക്ഷണം പ്ലാസ്റ്റിക് പാത്രത്തോടെ എടുത്ത് അവനിൽ വെച്ച് ചൂടാക്കാറുണ്ട്.
എന്നാൽ ഈ ശീലം ആരോഗ്യപ്രശ്നങ്ങൾക്ക് കാരണമാകും. പ്ലാസ്റ്റിക് പാത്രങ്ങൾ ഉയർന്ന താപനിലയുമായി സമ്പർക്കത്തിൽ വരുമ്പോൾ അവയുടെ ഘടന ദുർബലമാവുകയും നഗ്നനേത്രങ്ങൾ കൊണ്ട് കാണാൻ കഴിയാത്ത മൈക്രോപ്ലാസ്റ്റിക് കണികകൾ ഭക്ഷണത്തിൽ കലരുകയും ചെയ്യുന്നു.
എണ്ണമയമുള്ളതോ എരിവോ അമ്ലഗുണമോ ഉള്ളതോ ആയ ഭക്ഷണങ്ങൾ പ്ലാസ്റ്റിക് പാത്രത്തിൽ ചൂടാക്കുമ്പോൾ രാസമാറ്റം വേഗത്തിലാകുന്നു. പലപ്പോഴും നമ്മൾ വിശ്വസിക്കുന്ന ‘മൈക്രോവേവ് സേഫ്’ എന്ന ലേബൽ അർത്ഥമാക്കുന്നത് ആ പാത്രം പെട്ടെന്ന് ഉരുകിപ്പോകില്ല എന്ന് മാത്രമാണ്.
ഈ ലേബൽ ഉള്ള പാത്രങ്ങളും ചൂടാകുമ്പോൾ ചെറിയ അളവിൽ രാസവസ്തുക്കൾ പുറത്തുവിടും. പോറലുകൾ വീണതോ പഴയതോ ആയ പാത്രങ്ങളാണ് ഏറ്റവും കൂടുതൽ അപകടമുണ്ടാക്കുന്നത്.
തുടർച്ചയായ ഉപയോഗത്തിലൂടെ ‘സേഫ്’ പാത്രങ്ങളും സുരക്ഷിതമല്ലാതായി മാറുന്നു. പ്ലാസ്റ്റിക് കലർന്ന ഭക്ഷണം കഴിക്കുന്നത് ഉടനടി മാറ്റങ്ങൾ ഉണ്ടാക്കില്ലെങ്കിലും വർഷങ്ങൾ നീണ്ട
ശീലം ഹോർമോൺ വ്യതിയാനം, വന്ധ്യത, തൈറോയ്ഡ് പ്രശ്നങ്ങൾ, കുട്ടികളിലെ വളർച്ച തുടങ്ങിയവയ്ക്ക് കാരണമാകാം. ഗ്ലാസ്സ്/സെറാമിക് ഉപയോഗിക്കുക: ചൂടാക്കാൻ എപ്പോഴും ഗ്ലാസ്സ് അല്ലെങ്കിൽ സെറാമിക് പാത്രങ്ങൾ മാത്രം ഉപയോഗിക്കുക.
സ്റ്റീൽ പാത്രങ്ങൾ സ്റ്റോറേജിന് മാത്രം: ഭക്ഷണം ഫ്രിഡ്ജിൽ സൂക്ഷിക്കാൻ സ്റ്റെയിൻലെസ് സ്റ്റീൽ പാത്രങ്ങൾ ഉപയോഗിക്കുന്നത് ശീലമാക്കുക. പാഴ്സൽ പാത്രങ്ങൾ ഒഴിവാക്കാം: ഹോട്ടലുകളിൽ നിന്ന് ലഭിക്കുന്ന പ്ലാസ്റ്റിക് പാത്രങ്ങൾ ഒരു കാരണവശാലും വീണ്ടും ചൂടാക്കാൻ ഉപയോഗിക്കരുത്.
പഴയ പാത്രങ്ങൾ മാറ്റുക: പോറലുകളോ കേടുപാടുകളോ സംഭവിച്ച പ്ലാസ്റ്റിക് പാത്രങ്ങൾ ഉടൻ ഒഴിവാക്കുക. ഒരിക്കൽ പ്ലാസ്റ്റിക് പാത്രത്തിൽ ചൂടാക്കിയതുകൊണ്ട് വലിയ കുഴപ്പമുണ്ടാകില്ലെങ്കിലും, ഇതൊരു സ്ഥിരം ശീലമാക്കുന്നത് ആരോഗ്യത്തിന് കനത്ത വില നൽകേണ്ടി വരുന്ന ഒന്നാണ്.
ഗ്ലാസ്സ് പാത്രങ്ങളിലേക്ക് മാറുന്നത് ലളിതവും എന്നാൽ സുരക്ഷിതവുമായ പരിഹാരമാണ്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
